مریم نواز کی طرف سے ملاقات کی باضابطہ دعوت نہیں آئی،مولانا نے شکوہ کر ہی دیا

باغی ٹی وی کی رپورٹ کے مطابق جمعیت علماء اسلام کے سربراہ مولانا فضل الرحمان نے کہا ہے کہ مریم نواز کی طرف سے ملاقات کے لئے کوئی باضابطہ دعوت نہیں آئی

سماجی رابطے کی ویب سائٹ ٹویٹر پر ٹویٹ کرتے ہوئے مولانا فضل الرحمان کا کہنا تھا کہ مریم نواز کو میں اپنی بیٹیوں کی طرح عزیز رکھتا ہوں ۔ وہ بڑی ہمت اور بہادری کے ساتھ نہایت مشکل حالات کا مقابلہ کر رہی ہیں ۔ نیب میں پیشی کے وقت اس پر حملہ کی بزدلانہ کاروائی پر میں نے سب سے پہلے آواز اٹھائی اور مریم بیٹی سے بات بھی کی ۔

مولانا فضل الرحمان کا مزید کہنا تھا کہ ایک صحافی کےٹویٹ کی طرف سے دیئے گئے اس تاثر میں کوئی صداقت نہیں کہ میں نے کسی خاص وجہ سے رائیونڈ جانے سے اجتناب کیا سیاسی حوالے سے میری بات چیت پارٹی کے صدر میاں شہباز شریف سےرہتی ہے۔اپوزیشن جماعتوں کےباہمی تعاون کے وقت اسطرح کے رخنے پیدا کرنے سے گریزکرناچائیے۔

مولانا فضل الرحمان کا مزید کہنا تھا کہ مریم نواز کی طرف سے نہ توکوئی باضابطہ دعوت آئی نہ میں نے انکار کیا نہ ہی مذکورہ صحافی سےمیری کوئی ملاقات یاگفتگو ہوئی۔

قبل ازیں اسلام آباد میں اپوزیشن جماعتوں کے اجلاس کے بعد مولانا فضل الرحمن کا کہنا تھا کہ جمعرات کو یہاں اپوزیشن کی دس جماعتوں کا اجلاس ہوا ہے جنہیں ایک ہفتہ پہلے دعوت دی تھی،ان جماعتوں نے حالیہ سیاسی حالات پر تجزیہ کرسکیںمیر حاصل بزنجو کی وفات کی وجہ سے پہلے ہونے والا یہ اجلاس آج ہوا ہے،

مولانا فضل الرحمان کا کہنا تھا کہ شہبازشریف تشریف لائے تھے ،اپنے اخلاقی فرض کے تحت اپنے ان تمام ساتھیوں کو اعتماد میں لینا ضروری تھا۔اتفاق رائے سے اعادہ کیا ہے پچیس جولائی 2018 کاا لیکشن فراڈ تھا،اس وقت نتائج تسلیم نہیں کئے تھے ہم نے آج پھر نئے انتخابات کا مطالبہ کیا ہے۔ آئین کی بالادستی چاہئے،ہر ادارہ آئینی ذمہ داریاں سرانجام دے کوئی ادارہ کسی کے کام میں مداخلت نہ کرے ،پارلیمنٹ بالادست ہو۔ الیکشن کمیشن کی ازسر نو تشکیل کی جائے،ایسا الیکشن کمیشن ہو جس میں کوئی مداخلت نہ کرسکے،پہلے مرحلے پر رہبر کمیٹی کا اجلاس ہوگا،تجاویز مرتب کی جائیں گی،اے پی سی ایجنڈا بنائیں گے۔

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ