روک سکتے ہوتو روک لو،طیب اردوان نے بھی پی ٹی آئی والی بات کہہ دی

انقرہ : روک سکتے ہو تو روک لو ، ترکی ہر صررت دہشت گردوں کے خلاف آپریشن کرے گا ، اطلاعات کے مطابق صدر رجب طیب اردوان نے کرددہشت گردوں کے خلاف کارروائی کے نتیجے میں ہونی والی یورپی یونین کی تنقید کو یکسر مسترد کرتے ہوئے کہا ہےکہ اسلحے کی فروخت روکنے اور معاشی پابندیوں کی دھمکیاں ہمیں شام میں کارروائی سے نہیں روک سکتیں۔

امریکہ سعودی عرب میں مفت میں فوج نہیں بھیج رہا ، ٹرمپ

ترک ذرائع ابلاغ کے مطابق یورپی یونین کی طرف سے دھمکیوں کے ردعمل میں طیب اردوان نے کہاکہ جب سے ہم نے شمال مشرقی شام میں دہشت گردوں کے خلاف آپریشن شروع کیا ہے، ہمیں معاشی پابندیوں اور اسلحے کی فروخت روکنے کی دھمکیاں دی جارہی ہیں۔جو لوگ ایسا سمجھتے ہیں کہ اس طرح کی دھمکیوں سے وہ ترکی کو روک سکتے ہیں تو وہ بہت بڑی غلطی کررہے ہیں۔

پاکستان،ایران خطے کے دواہم ملک ملکرمسائل حل کریں گے،ایرانی صدرحسن روحانی

واضح رہے کہ شمالی شام میں کرد جنگجوؤں کے خلاف کارروائی کے آغاز کے بعد سے جرمنی اور فرانس نے ترکی کو اسلحے کی فروخت پر پابندی لگادی ہے۔دونوں یورپی ممالک نے خدشات کا ظہار کیا ہے کہ ان کا اسلحہ شام میں جاری آپریشن میں استعمال ہوسکتا ہے اور یہ یورپ کی سیکیورٹی کے لیے خطرہ بن سکتا ہے۔