وزیراعظم کا کراچی کے لئے 11 سو ارب کے پیکج کا اعلان

باغی ٹی وی کی رپورٹ کے مطابق وزیراعظم عمران خان نے کہا ہے کہ کراچی کے مسائل کے حل کے لئے پی سی آئی سی بنا دی ہے

کراچی میں میڈیا سے گفتگو کرتے ہوئے وزیراعظم عمران خان کا کہنا تھا کہ کرونا میں کامیابی کا ایک راز یہ تھا کہ ہم نے ایک کمیٹی بنا لی تھی جس کی وجہ سے ہم نے فیصلے بہتر کئے، کمیٹی تمام صوبوں کی مشاورت کے ساتھ بنائی گئی تھی، اب فیصلہ کیا کہ کراچی اور بلوچستان میں بھی سیلاب آیا، سوات بھی متاثر ہوا، میانوالی میں بھی لوگ مشکل میں ہیں، بارشوں کی وجہ سے اللہ نے ایک اور امتحان میں ڈال دیا، پہلے کراچی جہاں زیادہ بارش ہوئی اور تباہی مچی ، اسی فلڈ اور بارشوں کی وجہ سے اور دیگر مسئلوں کو بھی ایک ہی وقت میں حل کریں گے، ہمیں پہلے آ جانا چاہئے تھا لیکن پہلے ہم نے مشاورت کی،جس طرح کرونا پر انفراسٹرکچر بنایا تھا اسی طرح کراچی کے لئے بھی بنایا

وزیراعظم عمران خان کا کہنا تھا کہ ایک کمیٹی بنا دی گئی ہے اس میں سب سٹیک ہولڈر ہوں گے،پاک فوج کا فلڈ میں اہم رول ہے، دنیا میں جب بھی ااس طرح کے فلڈ آتے ہیں تو آرمی سامنے آتی ہے اور کام کرتی ہے، پی سی آئی سی فیصلے کرے گی، 11 سو ارب کا تاریخ پیکج کراچی کے لئے لے کر آئے ہیں، ہم اور صوبائی حکومت کا ملکر پیکج 11 سو ارب روپے کا ہے

وزیراعظم عمران خان کا کہنا تھا کہ کراچی کا سب سے بڑا مسئلہ پانی کا ہے،ہماری کوشش ہے کہ اسکو جلدی حل کریں ہم نے ابھی اس پر بات کی، ہم 3 سال تک کراچی میں پانی کا مسئلہ حل کر دیں گے، دوسرا مسئلہ نالوں کا ہے، وہاں تجاوزات ہیں، این ڈی ایم اے نالے صاف کرے گی،جو غریب ترین لوگ ہیں انکو سندھ حکومت نے ذمہ داری لی ہے کہ سیٹلمنٹ کرے گی، سیوریج سسٹم بھی کراچی کا بہت بڑا ایشو ہے، اس پیکج میں سیوریج سسٹم بھی ٹھیک کیا جائے گا،سرکلر ریلوے،سڑکوں پر بھی کام کریں گے، ہم اب مسائل حل کریں گے،

وزیراعظم عمران خان کا کہنا تھا کہ کراچی میں کچھ چیزیں صوبائی حکومت اور کچھ وفاقی حکومت کے تحت آتی تھی، پی سی آئی سی بن جانے کی وجہ سے فیصلے کرنے آسان ہوں گے، پلان بن جاتے ہیں عمل نہیں ہوتا، مانیٹرنگ کمیٹی بھی ایک ہو گی جو پی سی آئی سی کو دیکھے گی،مجھے امید ہے کہ مشکل وقت گزارا ہے اب بہتری آئے گی،

آپ کی حکومت کے پاس جو بھی کام جاتا ہے وہ لامحدود مدت کے لیے ہوتا ہے ،چیف جسٹس کے ریمارکس

سپریم کورٹ کراچی رجسٹری، چیف جسٹس کا اہم شخصیت کیخلاف مقدمہ درج کرنیکا حکم

آپ کو معلوم ہے جب رات میں بجلی نہیں ہوتی ہے تو کیا ہوتا ہے؟ چیف جسٹس کا کراچی میں لوڈ شیڈنگ بارے بڑا حکم

کراچی گوٹھ بن چکا،حکومت کی ناکامی کے نتائج بہت خطرناک ہوں گے،چیف جسٹس کے ریمارکس

کراچی میں نالوں کی صفائی، سپریم کورٹ نے این ڈی ایم اے کو بڑا حکم دے دیا،کہا مزید ذمہ داری بھی دیں گے

لوگ مرتے ہیں، یہ جا کر ضمانت کرا لیتے ہیں،لوگوں کو ان کے رحم و کرم پر نہیں چھوڑیں گے۔ چیف جسٹس

امریکی ایمبیسی کو نہ جانے کس بات کا خطرہ تھا،کراچی میں یہ کام کریں، چیف جسٹس کا حکم

دو تین نالے صاف کرکے آپ کہتے ہیں کراچی کا مسئلہ حل ہوگیا؟ چیف جسٹس نے سندھ حکومت کی استدعا کی مسترد

کرونا سے صحتیابی کی بعد شیخ رشید نے دیا صدقہ،کہا حالات بہتری کی طرف جا رہے ہیں،ایک لاکھ نوکریوں کا بھی اعلان

ریلوے ٹریک ڈیتھ ٹریک بن چکا، سیکرٹری ، سی ای او اور تمام ڈی ایس فارغ کرنا پڑیں گے، چیف جسٹس

الیکشن سے پہلے جھاڑو پھر جائے گا،پاکستان بدلنے جا رہا ہے، شیخ رشید

کراچی کے مسائل کی سب سے بڑی وجہ کیا؟ وزیراعظم نے اجلاس میں بتا دی

نیا ناظم آباد ڈوب گیا، 15 روز سے پانی نہ نکلا، آواز اٹھانے پر شہری کو دھمکیاں

کراچی کو کس نے تباہ کیا، وزیر اطلاعات نے وزیراعظم کے دورہ سے قبل بڑا دعویٰ کر دیا

وزیراعظم سے پہلے اسد عمر نے سنائی اہلیان کراچی کو بڑی خوشخبری

وزیراعظم عمران خان کا مزید کہنا تھا کہ بلوچستان میں بھی لوگ مشکل میں ہیں، کے پی میں بھی یہی صورتحال ہے، سوات، چترال میں بھی سیلاب ہے، اللہ نے اس سال ہمیں امتحانوں میں ڈالا ہوا ہے، کرونا بھی بہت بڑا امتحان تھا. ہمارا شارٹ ٹرم پروگرام ایک سال اور 3 سال میں ہم نے تمام منصوبے مکمل کرنے ہیں

قبل ازین وزیر اعظم عمران خان کراچی پہنچے موزیر اطلاعات شبلی فراز اور رکن قومی اسمبلی عامر محمود کیانی وزیراعظم کے ہمراہ ہیں،وزیر اعظم عمران خان نے کراچی کے سیلاب سے متاثرہ اضلاع کا فضائی جائزہ لیا

کراچی پہنچنے پر وزیراعلیٰ سندھ سید مراد علی شاہ اور گورنر سندھ عمران اسماعیل نے انکا استقبال کیا، اسوقت وزیراعظم عمران خان گورنر ہاؤس پہنچ چکے ہیں، سخت ترین سیکورٹی میں وزیراعظم گورنر ہاؤس پہنچے ہیں،گورنر ہاؤس میں اجلاس جاری ہے،

وزیر اعظم کے دورے میں پاکستان اسٹاک ایکسچینج کا دورہ بھی شیڈول تھا جو منسوخ کر دیا گیا۔ اس دوران وزیر اعظم کی اسٹاک ایکسچینج بورڈ آف ڈائریکٹرز سے ملاقات تھی۔ ذرائع کے مطابق وزیراعظم سے اراکین اسمبلی، اتحادی جماعتوں کے رہنما اور ممتاز تاجر و کاروباری شخصیات کی بھی ملاقات ہو گی