شان شاہد کا انٹرویو بہت گندا تھا،عمران خان

سابق وزیر اعظم عمران خان نے شان شاہد کی جانب سے کئے جانے والے انٹرویو کو گند کہہ دیا-

باغی ٹی وی : تفصیلات کے مطابق سابق وزیر اعظم عمران خان کی ایک ویڈیو وائرل ہو رہی ہے جس میں انہوں نے اپنے سٹاف کے ساتھ کی گئی گفتگو کے دوران شان شاہد کی جانب سے کئے گئے انٹرویو کی لائٹنگ اور کیمرہ پر تنقید کی –

پاکستانی فلموں کی ریلیز کا معاملہ :جاوید شیخ کا وزیر اعظم سے معاملے پر ایکشن لینے کا مطالبہ

عمران خان نے ویڈیو میں کہا کہ ہمارا انٹرویو پروفیشنل ہونا چایئے کوئی گڑبڑ نہ ہو سب ٹھیک ہونا چاہیئے ویسے شان کا جو انٹرویو تھا اتنی گندی فوٹوگرافی تھی انہوں نے کہا کہ اے آر وائے کی زبردست فوٹوگرافی تھی اس کی تصویر بڑی اچھی تھی جبکہ شان کے انٹرویو کے دوران ایسا لگ رہاتھا جیسے ویٹنگ بس روم کے اندر وہ انٹر ویو کیا جا رہا ہے نا ان کی تصویر اچھی تھی نا لائٹنگ اچھی تھی چیک تو کرنا چاہیئے تھا نا انٹرویو کرنے سے پہلے-

واضح رہے کہ عید الفطر کے تیسرے روز نجی نیوز چینل "ہم نیوز” کی جانب سے اداکار شان شاہد نے سابق وزیر اعظم عمران خان کا خصوصی انٹرویو کیا جس میں انہوں نے سیاست کے علاوہ دیگر معمولات زندگی سمیت بہت سے موضوعات پر گفتگو کی تھی-

جبکہ عمران خان کا انٹرویو کرنے پر معروف اداکار شان شاہد کو شدید تنقید کا سامنا بھی کرنا پرا تھا مسلم لیگ ن کے رہنما احسن اقبال نے اپنی ٹوئٹ میں کہا تھا کہ عمران خان کا انٹرویو کرنے کے لیے کسی پیشہ ور صحافی کے بجائے انٹرٹینمنٹ انڈسٹری کے کردار کا استعمال کرنے کا مطلب ہے کہ انٹرویو ہم تفریح کا حصہ تھا اور اسے سنجیدگی سے نہیں لیا جانا چاہیے۔


سابق چیئرمین پی سی بی نجم سیٹھی نے بلال گیلانی نامی سیاسی اور اقتصادی محقق کی پوسٹ شیئر کرتے ہوئے طنزیہ انداز میں لکھا تھا کہ کیا بل کلنٹن اداکار ٹام کروز سے کہیں گے کہ ان کا انٹرویو لیں –


بلال گیلانی نامی سیاسی اور اقتصادی محقق نے اپنی ٹوئٹر پوسٹ میں عمران خان کے انٹرویو سے ایک سکرین شاٹ شیئرکرتے ہوئے کہا کہ کیا سی این این ٹام کروز کو بل کلنٹن یا باراک اوباما کے انٹرویو کے لیے مقرر کرے گا؟ ہم نیوز کو شان کے ذریعے کرنا ٹھیک لگتا ہےیہ وہ معیار ہے جو انڈسٹری کے سب سے نئے چینل کو بھی گہرے جیب والے ایک معزز میڈیا گروپ نے ترتیب دیا ہے۔صحافت کو پیشہ ور افراد کی طرف لوٹنے کی ضرورت ہے۔

Leave a reply