طالبان کا کنٹرول افغان سیاسی قیادت کی ناکامی،نیٹو،ترکی، سعودی عرب کا اہم اعلان
امریکی محکمہ دفاع نے کہا ہے کہ طالبان نے کابل سے ہماری انخلا کی کوششوں میں مداخلت نہیں کی
میرین میجر جنرل ولیم ٹیلرکا کہنا تھا کہ حامد کرزئی بین الاقوامی ہوائی اڈے پر آپریشن بحال کر دیا گیا ہے ہمارا ہدف ایئر فیلڈ کو کھلا رکھنا ہے
کینیڈا نے شہریوں کو نکالنے کے لیے افغانستان کے لیے فوجی پروازیں دوبارہ شروع کرنے کا اعلان کیا ہے خصوصی پروازیں فرار ہونے والے افغانیوں کو لے کر کینیڈا پہنچ گئی ہیں،آسٹریلوی وزیراعظم کا کہنا ہے کہ آسٹریلیا نے اپنی پہلی امدادی پرواز میں 26 افراد کو نکال لیا، آسٹریلیا اپنے شہریوں کو کابل سے نکالنے کے لیے 250 فوجی بھیجے گا،آسٹریلیا کا افغانستان سے 600 افراد کو نکالنے کا ہدف ہے،
نیٹو سیکرٹری جنرل کا کہنا ہے کہ اتحادی افغانستان سے انخلا کے لیے اضافی طیارے بھیجیں گے،طالبان سے مطالبہ ہے کہ لوگ جانا چاہیں تو انھیں اجازت دیں، نیٹو افواج کا کبھی بھی ہمیشہ کے لیے افغانستان میں رہنے کا ارادہ نہیں تھا جس رفتار سے طالبان نے کنٹرول حاصل کیا ہے اس نے اُنھیں حیران کر دیا ہے طالبان کا کنٹرول افغان سیاسی قیادت کی ناکامی ہے،اقتدار میں موجود لوگوں کو دہشت گردی کے خلاف اقدامات کرنے ہوں گے،2دہائیوںمیں ہماری سرمایہ کاری اور قربانی کے باوجود تباہی تیز اور اچانک تھی
ترک وزیر خارجہ میولود چاوش اولو کا کہنا ہے کہ ترکی نے طالبان کے پیغام کو مثبت انداز میں دیکھا ہے افغانستان میں یکجہتی اور امن کی حمایت کریں گے ترکی کے طالبان سمیت تمام افغان فریقین سے مذاکرات جاری ہیں کابل ایئرپورٹ محفوظ ہونے کے بعد انخلا دوبارہ شروع کیا جائے گا۔ کابل ایئرپورٹ کی سیکیورٹی، اقتدار کی منتقلی پر امریکہ اوراتحادیوں سے بات جاری رکھیں گے
سعودی وزارتی کونسل کونسل کا خادم الحرمین الشریفین شاہ سلمان بن عبدالعزیزکے زیرصدارت اجلاس ہوا اور اس میں دیگر امور کے علاوہ افغانستان کی تازہ صورت حال پرغورکیا گیا ہے۔سعودی پریس ایجنسی کے مطابق سعودی عرب افغانستان کی تازہ صورت حال پر نظررکھے ہوئے ہے اس کا باریک بینی سے جائزہ لے رہا ہے اور اس کو امید ہے کہ اس ملک میں بہت جلد صورت حال مستحکم ہوجائے گی
دوسری جانب کابل میں حالات زندگی معمول پر ہیں، تعلیمی ادارے، بازار کھلے ہیں، خواتین بھی دفاتر میں کام کر رہی ہیں، طالبان میں اس بار بدلاؤ آیا ہے اور خواتین کو بھی کام کرنے کی اجازت دی گئی ہے، طالبان کی جانب سے کسی قسم کی کوئی رکاوٹ نہیں ڈالی جا رہی،کابل سے نمائندہ باغی ٹی وی کی رپورٹ کے مطابق طالبان نے شہریوں سے گزشتہ روز اسلحہ جمع کیا اور کہا کہ اب حفاظت ہماری ذمہ داری ہے، طالبان نے ریڈیو ،ٹی وی کے دفاتر سمیت مختلف مقامات کا بھی دورہ کیا اور ملازمین سے بات چیت کی،
افغان طالبان کی جانب سے شہریوں کو مسلسل پیغامات دیئے جا رہے ہیں کہ وہ اپنے کام معمول کے مطابق جاری رکھیں، دوسری جانب افغان شہریوں کی جانب سے بھی طالبان کا خیر مقدم کیا جا رہا ہے، افغان شہری طالبان کے ہوتے ہوئے اپنے آپ کو محفوظ تصور کر رہے ہیں
کابل ایئر پورٹ پر امریکی فوج کی فائرنگ سے 5 افغانی جاں بحق، ایئر پورٹ بند
افغانستان میں بدھ مت کے مقامات کیا واقعی خطرے میں؟ طالبان کا موقف آ گیا
پاک افغان بارڈر طورخم مسافروں کے پیدل آمدورفت کے لئے بدستور بند
کابل، جہاز کے اڑان بھرنے کے بعد 3 افراد گر گئے، 2 کی موت
طالبان کا کابل پر کنٹرول،چین بھی میدان میں آ گیا، بڑا اعلان کر کے سب کو حیران کر دیا
وزیر خارجہ سے افغان وفد کی ملاقات، قریشی کا ڈنمارک کے ہم منصب سے بھی رابطہ
اشرف غنی تاجکستان نہیں آئے، وزارت خارجہ تاجکستان
افغان طالبان کے ترجمان پہلی بار میڈیا کے سامنے آ کر کریں گے اہم اعلان
چین پاکستان اور طالبان اب ملکر بھارت پر حملہ کریں گے، بھارت کی دہائی
افغان طالبان کے ساتھ پاکستان سے کون کونسی جماعت نے رابطہ کیا؟ اہم انکشاف
خبردار،یہ کام کیا تو سختی سے نمٹیں گے، طالبان ترجمان، روسی سفیر کے ساتھ ملاقات طے
ترکی افغان پناہ گزینوں کو روکے گا،طالبان کا سرکاری ملازمین کو بڑا پیغام
اشرف غنی کو اقتدار کی منتقلی کا منصوبہ نہ بنانے پر معاف نہیں کرسکتے،سربراہ افغان مرکزی بینک
امریکا کا طالبان کی حکومت کو تسلیم کرنے کیلئے مشروط رضا مندی کا اظہار
واضح رہے کہ دو روز قبل طالبان کابل پہنچ گئے ہیں جس کے بعد افغان صدر اشرف غنی ملک سے فرار ہو گئے، کابل میں طالبان کا کنٹرول ہے ، دیگراہم سرکاری عمارتون پربھی افغان طالبان کا قبضہ ہوگیا ہے اس وقت شہرمیں امن وامان کی صورت حال بہتر ہے اورسڑکوں پرافغان طالبان گشت کررہے ہیں اور لوگوں کو ایک دوسرے کے ساتھ تعاون کی ہدایت بھی کررہے ہیں
ملا عبدالغنی برادر نے کابل کی فتح پر مبارکبادی پیغام جاری کر تے ہو ئے کہا ہے کہ افغانستان کی پوری مسلم ملت باالخصوص کابل کے شہریوں کو فتح پر مبارکباد پیش کرتے ہیں اللہ کی مدد و نصرت سے یہ کامیابی حاصل ہوئی ہے اللہ کا ہر وقت عاجزی کے ساتھ شکر ادا کرتے ہیں۔ کسی غرور اور تکبر میں مبتلا نہیں ہیں ملا عبدالغنی برادر نے کابل کی فتح پر مبارکبادی پیغام جاری کرتے ہوئے کہنا تھا کہ طالبان کا اصل امتحان اور آزمائش اب شروع ہوئی ہے کہ وہ کیسے افغان عوام کی خدمت کرتے ہیں اور دنیا کے لیے ایک ایسی مثال بنتے ہیں، جس کی باقی دنیا پیروی کرے
