افسوس!قوم پریہ وقت بھی آنا تھا کہ لڑکیاں لڑکوں کوہراساں کریں گی

کراچی :اس قوم پریہ وقت بھی آنا تھا کہ لڑکیاں لڑکوں کو ہراساں کریں گی ،اطلاعات کے مطابق کراچی کی تاریخ میں سائبر کرائم سرکل کو انوکھا کیس موصول ہوا جس میں متاثرہ شخص کی جانب سے لڑکی کی شکایت درج کروائی گئی ہے۔

ذرائع کے مطابق کراچی میں لڑکیاں بھی لڑکوں کو ہراساں کرنے لگیں، متاثرہ شخص نے ایف آئی اے سائبر کرائم سیل سرکل کو شکایت درج کروادی۔

ایف آئی اے سائبر کرائم سرکل نے کارروائی کرتے ہوئے خاتون اسکول ٹیچر کو گرفتار کرلیا، موبائل فون سے بلیک میلنگ کا مواد، سمز اور دیگر شواہد برآمد کرلیے گئے۔

وفاقی تحقیقاتی ادارے کے مطابق گرفتار ملزمہ نے لڑکے کے رشتہ دار کو بھی بلیک میل اور ہراساں کیا، ملزمہ نے بلیک میل کرنے کے لیے ویڈیو بنا رکھی تھیں۔

ایف آئی اے حکام کا کہنا ہے کہ شادی سے انکار پر خاتون نے متاثرہ شخص کی تصاویر وائرل کردیں، گرفتار ملزمہ پہلے بھی کئی لڑکوں کو بلیک میل کرچکی ہے۔

حکام کا کہنا ہے کہ لڑکے موبائل فون سے بلیک میلنگ کے لیے استعمال ہونے والی دیگر ویڈیوز بھی ملیں، لڑکی کا موبائل فون قبضے میں لے کر مزید تحقیقات شروع کردی گئی ہیں۔