نظر بندی کیس، عدالت میں وکیل نے مہلت مانگ لی
![lahore highcourt](https://baaghitv.com/wp-content/uploads/2021/04/highcourt-750x430-1-750x430-1.png)
نظر بندی کیس، عدالت میں وکیل نے مہلت مانگ لی
باغی ٹی وی کی رپورٹ کے مطابق کالعدم تحریک لبیک کے سربراہ حافظ سعد رضوی کی نظر بندی کے خلاف لاہور ہائیکورٹ میں سماعت ہوئی
سعد رضوی کی رہائی سے متعلق درخواست پر سماعت کل تک ملتوی کر دی گئی سعد رضوی کے چچا امیر حسین کے وکیل نے دلائل کے لیے مہلت طلب کرلی عدالت نے امیر حسین کے وکیل کو دلائل کے لیے کل تک کی دلائل کی مہلت دیتے ہوئے سماعت ملتوی کردی
وکیل امیر حسین نے کہا کہ حکومت اور درخواست گزار کیساتھ مفاہمت ہوئی ہے، چیف جسٹس نے استفسار کیا کہ سوال یہ نہیں کہ مفاہمت ہوئی یا نہیں بتائیں یہ درخواست قابل سماعت ہے یا نہیں، مفاہمت کا اس درخواست سے کوئی تعلق نہیں، جس نوٹیفکیشن کو چینلج کیا گیا تھا وہ غیر موثر ہو چکا ہے، جسٹس طارق سلیم شیخ نے کہا کہ ایک نوٹیفکیشن کو آپ نے چینلج کیا وہ ختم ہو چکا ہے اب نیا نوٹیفکیشن آ چکا ہے، جس پر وکیل امیر حسین نے کہا کہ عدالت کا کہنا بالکل درست ہے ،جسٹس طارق سلیم شیخ نے کہا کہ آپ کو نیا نوٹیفکیشن آنے کے بعد اسے چیلنج کرنا ہو گا، وکیل امیر حسین نے کہا کہ ابھی تک کوئی نیا آرڈر موجود نہیں، ایک دو دن کا وقت دے دیں، میں درخواست واپس لے لوں گا، جس پر چیف جسٹس لاہور ہائیکورٹ نے ریمارکس دیتے ہوئے کہا کہ تو آپ یہ درخواست ابھی واپس لے لیں، جسٹس طارق سلیم شیخ نے کہا کہ حکومت کیساتھ اگر درخواست گزار کی کوئی مفاہمت ہوئی ہے تو اس کا درخواست کیساتھ کوئی تعلق نہیں،
چیف جسٹس لاہور ہائیکورٹ نے ریمارکس دیتے ہوئے کہا کہ آپ اس درخواست کے قابل سماعت ہونے سے متعلق عدالت کو مطمئن نہیں کر سکے، جسٹس طارق سلیم شیخ نے کہا کہ عدالتیں کسی اکیڈیمک سیشن میں نہیں جاتیں، عدالتیں قانونی نکتے پر فیصلے کرتی ہیں، وکیل امیر حسین نے کہا کہ درخواست کے قابل سماعت ہونے سے متعلق دلائل کیلئے مہلت دی جائے، اگر میں عدالت کو مطمئن نہ کر سکا تو درخواست واپس لے لوں گا،
نو اکتوبر کو سپریم کورٹ رجسٹری لاہور میں فیڈرل ریویو بورڈ کا اجلاس ہوا فیڈرل ریویو بورڈ نے تحریک لبیک کے سربراہ سعد رضوی کو رہا کرنے کا حکم دیا تھا ،ودوسری طرف اس رہائی میں تاخیرپھرتحریک لبیک کو اپنے پرانے رویے کی طرف مجبورکررہی ہے- وفاقی نظرثانی بورڈ نے حافظ سعد رضوی کی دوسری نظربندی میں توسیع کا ریفرنس مسترد کرتے ہوئے فوری رہا کرنے کا حکم دیدیا۔ فیڈرل ریویو بورڈ نے حکم دیا کہ سعد رضوی اگر کسی دوسرے کیس میں ملوث نہیں تو رہا کیا جائے
@MumtaazAwan
تحریک لبیک کے سربراہ حافظ سعد رضوی جو علامہ خادم حسین رضوی کے صاحبزادے ہیں کو 12 اپریل کو اسکیم موڑ چوک لاہورسے گرفتار کیا گیا تھا ،پولیس نے حافظ سعد رضوی کو 16 اپریل کا احتجاج روکنے کے لیے حراست میں لیا کیونکہ حکومت کے ساتھ ان کے مذاکرات ناکام ہوگئے تھے اور فرانسیسی سفیر کو ملک بدر کرنے سے متعلق تحریک لبیک نے اپنے موقف سے پیچھے ہٹنے سے انکار کردیا تھا
سعد رضوی کی گرفتاری کے بعد ملک بھر میں ہنگامہ آرائی ہوئی، اور حکومت نے تحریک لبیک پر پابندی لگا دی، پابندی کے خلاف تحریک لبیک نے اپیل دائر کی ہے جس پر حکومت فیصلہ دے گی تاحال حافظ سعد جیل میں بند ہیں اور انکی جماعت پر پابندی عائد ہے
تحریک لبیک کا دھرنا، کارکنان گرفتار،کیا خادم حسین رضوی کو گرفتار کر لیا گیا؟
کسی کو نہیں چھوڑیں گے، مذہبی جماعت کیخلاف بڑے فیصلے ہو گئے، شیخ رشید
تحریک لبیک دھرنا،راستے بند ہونے پر ٹریفک کا متبادل روٹ جاری
حکومت کیلئے نئی مشکل، تحریک لبیک کا ناموس رسالت مارچ کا اعلان
تحریک لبیک کے سربراہ حافظ سعد رضوی گرفتار،تحریک لبیک کے رہنما کی باغی ٹی وی سے گفتگو میں تصدیق
تحریک لبیک کے کارکنان سڑکوں پر نکل آئے،لاہور بند،ملک جام کرنیکا اعلان
کالعدم جماعت کی بھی لیگل ٹیم ہو سکتی ہے؟ سعد رضوی سے ملاقات نہ کروانے کی درخواست پرعدالت کے ریمارکس
سعد رضوی کی رہائی کی درخواست، عدالت نے فیصلہ سنا دیا
سعد رضوی کی نظر بندی کیخلاف درخواست پر سماعت،عدالت نے کیا دیا حکم؟
سعد رضوی کی نظر بندی کیخلاف درخواست پر سماعت،دلائل مکمل
باغی ٹی وی سروے،تحریک لبیک پہلے نمبر پر،حافظ سعد رضوی کے حق میں سب سے زیادہ ووٹ
سعد رضوی کی رہائی میں نیا موڑ، اصل کہانی کیا، مبشر لقمان نے حقیقت بتا دی
تحریک لبیک کے سربراہ سعد رضوی کو فوری رہا کرنے کا حکم
حافظ سعد رضوی کو رہا کیوں نہیں؟ سی سی پی او لاہور فوری طلب
حافظ سعد رضوی کی نظربندی، وفاقی نظر ثانی بورڈ کا اجلاس ،بڑا فیصلہ ہو گیا