پاکستان میں جتنا پلاسٹک ویسٹ ہے اس سے کے ٹو کا پہاڑ دو دفعہ کھڑا ہو سکتا ہے

پاکستان میں جتنا پلاسٹک ویسٹ ہے اس سے کے ٹو کا پہاڑ دو دفعہ کھڑا ہو سکتا ہے

باغی ٹی وی کی رپورٹ کے مطابق سینیٹ کی قائمہ کمیٹی برائے موسمیاتی تبدیلی کا اجلاس ہوا

کمیٹی نے ماحولیاتی تحفظ ایجنسی کی مختلف لیبارٹریز کا دورہ کیا،ماحولیاتی تبدیلی کو جانچنے والی مشینوں کو دورہ کیا جا رہا ہے ،سینیٹر تاج حیدر نے کہا کہ اسلام آباد میں پلاسٹک ویسٹ سے سڑک بنانا ایک اچھا اقدام ہے، آلودگی کی ری سائیکلنگ کا سوچا جانا چاہئیے، جرمنی میں اس پر بہت کام ہو رہا ہے، سینیٹر فیصل جاوید نے کہا کہ ایک رپورٹ کے مطابق پاکستان میں جتنا پلاسٹک ویسٹ ہے اس سے کے ٹو کا پہاڑ دو دفعہ کھڑا ہو سکتا ہے،پاکستان میں اس وقت 3.3 ملین ٹن پلاسٹک ویسٹ موجود ہے،

کمیٹی ارکان نے پلاسٹ ویسٹ کو زیر استعمال لانے کی تجاویز دیں، تاج حیدر نے کہا کہ کراچی میں پلاسٹک بیگز کے ڈھیر لگے ہوئے ہیں، پلاسٹک کا استعمال ہو تو کراچی کی قسمت بدل جائے گی، پلاسٹک کو روڈ کی تعمیر کے لئے استعمال کیا جائے، سینیٹر فیصل جاوید نے کہا کہ پاکستان کا عالمی گرین ہاؤس گیسوں کے اخراج میں ایک فیصد سے بھی کم عمل دخل ہے، کرشنا کماری نے کہا کہ لاہور میں سموگ کی بری صورتحال ہے، بمبئی آلودہ ترین شہروں میں پہلے نمبر پر تھا، لیکن لاہور نے آلودگی کے حساب سے بمئی کو بھی پیچھے چھوڑ دیا ہے، آلودگی صرف لاہور نہیں پورے ملک کا مسئلہ ہے اسے سنجیدہ لینا ہوگا،

کمیٹی ارکان نے کراچی میں آلودگی کی بڑھتی صورتحال پر اظہار تشویش کیا اور کمیٹی ارکان نے کراچی کے دورے کی تجویز دے دی ،سینیٹر خالدہ اطیب نے کہا کہ کراچی میں آلودگی کی صورتحال ایک خطرناک شکل اختیار کر چکی ہے، کراچی کے کورنگی انڈسٹریل ایریا کی ساری گندگی سمندر میں جا رہی ہے، کراچی کا پانی پینے کے قابل نہیں،کراچی کے لوگوں کو پانی خرید کر پینا پڑ رہا ہے،

ڈی جی ای بی اے نے کہا کہ فصلوں کو آگ لگانا اسموگ کاباعث بن رہے ہیں،فرزانہ الطاف نے کہا کہ فضائی آلودگی سے بچنے کیلئے لوگ کم سے کم گاڑیاں سڑکوں پر لائیں اسلام آباد میں ٹریفک میں اضافہ ہوگیا ہے،روزانہ 4 لاکھ گاڑیاں ایکسپریس وے سے گزرتی ہیں،گاڑیوں میں مسلسل اضافہ فضا میں آلودگی کا باعث بن رہی ہیں،تاج حیدر نے کہا کہ اسلام آباد میں بڑی گاڑیوں پر پابندی لگا کر الیکٹرک بسوں کا استعمال کیا جائے،چائنیز کمپنیز بڑی الیکٹرک بسیں بھی بنا رہی ہیں

واضح رہے کہ سی ڈی اے نے اسلام آباد میں پہلی پلاسٹک روڈ پر کام کا آغاز کردیا ہے ایک کلومیٹر لمبی پلاسٹک روڈ اتاترک ایونیو پر تعمیر کی جارہی ہے گزشتہ ماہ اسلام آباد کے ایف نائن پارک میں اس منصوبے کا پائلٹ پراجیکٹ تعمیر کیا گیا تھا جس پر تھرڈ پارٹی انجینئرنگ نتائج حاصل کیے گئے تھے نتائج کی کامیابی کے بعد اب اس منصوبے پر باقاعدہ تعمیراتی کام کا آغاز اتاترک ایونیو پر کردیا گیا ہے اس ایک کلومیٹر پلاسٹک روڈ کا تعمیراتی کام دو دنوں میں مکمل کردیا جائے گا جس میں 170 ٹن پلاسٹک ویسٹ استعمال ہوگا اور یہ روایتی روڈ کے مقابلے میں زیادہ پائیدار بھی ثابت ہوگی جبکہ ماحولیاتی اعتبار سے اسکے مثبت اثرات بھی مرتب ہونگے

خیال نہیں رکھ سکتے تو پنجروں میں قید کیوں، چڑیا گھر کے جانوروں کو پناہ گاہوں میں منتقل کر دیا جائے؟ عدالت

پاکستان ایک انتہائی غیر محفوظ ممالک میں سے ایک ہے،زرتاج گل کے بیان پر وزیراعظم حیران