شادی ہال کھولے، نائٹ کلب بھی کھول لیں، سپریم کورٹ سول ایوی ایشن پر برہم،بڑا حکم دے دیا

باغی ٹی وی کی رپورٹ کے مطابق سب اسٹیشن تعمیر کے خلاف گرین بیلٹ پر پی ای سی ایچ ایس کے رہائشیوں کی درخواستیں مسترد کر دی گئیں

سپریم کورٹ کراچی رجسٹری نے کہا کہ گرین بیلٹ پبلک پارکس ہیں وہاں پر گھر تعمیر کرنا غیر قانونی ہے، پٹشنرز خود غیر قانونی گھر تعمیر کر کے بیٹھے ہوئے ہیں، سپریم کورٹ کراچی رجسٹری نے گرین بیلٹ بحالی کا حکم دے دیا، سپریم کورٹ نے گرین بیلٹ کے رہائشیوں سمیت پی ای سی ایچ ایس کے سیکریٹری اور کے الیکٹرک کو نوٹسزجاری کر دیا،عدالت نے کہا کہ پی ای سی ایچ ایس والوں نے سب کچھ بھیج ڈالا ہے اس لیے گمنام ہیں،وکیل درخواست گزارنے کہا کہ گرین بیلٹ میں الاٹمنٹ میں قانونی دستاویزات موجود ہیں، سپریم کورٹ کراچی رجسٹری نے وکیل سے مکالمہ کرتے ہوئے کہا کہ قانونی دستاویزات کو چھوڑیں، چیف جسٹس گلزار احمد نے ریمارکس دیتے ہوئے کہا کہ یہاں پر سپریم کورٹ رجسٹری کی زمین کے بھی قانونی دستاویزات بن جائینگے،

قبل ازیں سپریم کورٹ کراچی رجسٹری میں سول ایویشن کی زمین سے متعلق کیس کی سماعت ہوئی،چیف جسٹس گلزار احمد نے ریمارکس دیتے ہوئے کہا کہ ڈی جی ایف آئی اے آئندہ سماعت پر حاضر ہوکر صورتحال سے آگاہ کریں،ایئر پورٹ کے قریب 209 ایکڑ زمین کی الاٹمنٹ پر ایف آئی اے فائنڈنگ دے،وفاق کو زمین دینے کے بعد صوبائی دائرہ اختیار ختم ہوجاتا ہے، پورے ملک کے ائیرپورٹس کی زمینوں پر بنے شادی ہالز فوری طور پر بند کیے جائیں، ڈی جی سی اے اے تمام شادی ہالز بند کرکے رپورٹ بھی عدالت میں جمع کرائیں،عدالت نے ملک کے ائیرپورٹس کی زمینوں پر بنے شادی ہالز فوری طور پر بند کرنے کا حکم دے دیا

عدالت نے سول ایوی ایشن کو دیگر کمرشل سرگرمیوں سے روک دیا ،عدالت نے کہا کہ شادی ہال چلانا سول ایوی ایشن کا کام نہیں،‏سی اے اے اپنی اراضی پر سول ایوی ایشن سے متعلق ہی کام کرے، اپنے مقاصد سے ہٹ کر تمام سرگرمیاں بند کریں، جسٹس قاضی امین نے کہا کہ کیا دنیا میں سول ایوی ایشن شادی ہال چلاتی ہے؟ ‏پھر آپ نائٹ کلب بھی کھول لیں، آپ لوگوں نے ایئر پورٹس کو کیا سے کیا بنا دیا، عدالت نے سینئر ممبر بورڈ آف ریونیو سے سروے رپورٹ طلب کرلی ‏عدالت نے ڈی جی سول ایوی ایشن کو ائیر پورٹ کی زمین ائیر پورٹ کے مقاصد کے طور پر استعمال کرنے کا حکم دے دیا، چیف جسٹس گلزار احمد نے کہا کہ ائیر پورٹ کی حدود میں شادی ہالز اور پلاٹس قابل قبول نہیں، ‏آپ لوگ دن میں جہاز کیوں نہیں اڑاتے رات میں اڑاتے ہیں؟آپ نے کراچی ائیر پورٹ کو بھیڑ بکریوں کا اڈا بنایا ہوا ہے، آپ سے ائیر پورٹ بنتا نہیں شادی ہالز چلانے لگے ہیں،آپ لوگ پورے ائیر پورٹ میں صرف 2جہاز اڑ رہے ہوتے ہیں ، ڈی جی سول ایوی ایشن نے عدالت میں کہا کہ ہمارے پاس نیشنل فلائٹ کی کمی ہے،روزانہ 70 سے 80 فلائٹ معمول کے مطابق ہے، چیف جسٹس گلزار احمد نے وکیل سے سوال کیا کہ سندھ حکومت وفاق کی زمین کسی اور کو الاٹ کیسے کرسکتی ہے؟ ڈی جی سول ایوی ایشن نے کہا کہ ایف آئی سے سے تصدیق کروائی جو الاٹیز دکھا رہے ہیں وہ جعلی ہے، جسٹس قاضی محمد امین نے ریمارکس دیتے ہوئے کہا کہ دبئی اور قطر کا ائیر پورٹ دیکھا ہے، کوئی ایک بھی کمرشل استعمال ہورہا ہے؟ عدالت نے ائیر پورٹ کی زمین ائیر پورٹ کے مقاصد کے طور پر استعمال کرنے کا حکم دے دیا،عدالت نے آئندہ سماعت پر ایف آئی اے کی پلاٹ الاٹمنٹ سے متعلق رپورٹ طلب کرلی

@MumtaazAwan

طیارہ حادثہ، جناح میں 66 میتوں کا پوسٹ مارٹم مکمل،فرانزک ڈی این اے لیب کو کتنے نمونے ہوئے موصول؟

طیارہ حادثہ، وزیراعظم کی ہدایت پر لواحقین کیلئے رقم بڑھا دی گئی

کیا اس کرنل کا بھی کرنل کی بیوی جتنا چرچا ہوگا ؟

طیارہ حادثہ، پاک فوج کی امدادی سرگرمیاں جاری، کتنے گھر ہوئے تباہ،اعدادوشمار جاری

طیارہ حادثہ،پی آئی اے کی 7 رکنی تحقیقاتی ٹیم کا جائے وقوعہ کا دورہ

طیارہ حادثہ ،چئیرمین قائمہ کمیٹی داخلہ سینیٹر رحمان ملک نے انکوائری کیلئے اضافی نکات بھیج دیئے

نئے ڈی جی سول ایوی ایشن اتھارٹی کی تعیناتی کے خلاف درخواست،عدالت نے بڑا حکم دیا

اے ٹی سی کی وائس ریکارڈنگ لیک،مگر کیسے؟ پائلٹ کے خلاف ایف آئی آر کیوں نہیں کاٹی؟ مبشر لقمان نے اٹھائے اہم سوالات

اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے