شہر قائد سے ایک اور صحافی اغوا یا گرفتار

باغی ٹی وی کی رپورٹ کے مطابق شہر قائد کراچی سے ایک اور صحافی لاپتہ ہو گئے

کراچی پریس کلب کے رکن اور سینئر صحافی وارث رضا کو گزشتہ شب انکے گھر سے کچھ افراد ساتھ لے گئے، کہا جا رہا ہے کہ انہیں حراست میں لیا گیا ہے تا ہم کئی گھنٹے گزرنے کے باوجود اہلخانہ کو اطلاع نہیں دی گئی کہ انکو کہاں رکھا گیا اور کس جرم میں گرفتار کیا گیا ہے

وارث رضا کی صاحبزادی لیلہ رضا نے سماجی رابطے کی ویب سائٹ ٹویٹر پر ٹویٹ کرتے ہوئے اپنے والد کو قانون نافذ کرنے والے اداروں کی جانب سے حراست میں لیے جانے کی تصدیق کرتے ہوئے کہ کہ وہ تمام ترقی پسند آوازوں کو دبانا چاہتے ہیں، میرے والد نے سچ بولنے کے علاوہ کوئی غلط کام نہیں کیا

کراچی یونین آف جرنلسٹ کے ٹویٹر اکاؤنٹ سے ایک ٹویٹ کی گئی ہے جس مین کہا گیا ہے کہ 70 سالہ تاریخی جدوجہد کو بطور مدیر کتابی شکل دینے والے وارث رضا کو رات گئے گھر سے حراست میں لے کر نامعلوم مقام پر منتقل کر دیا گیا ہے۔ کے یو جے کی طرف سے اس گرفتاری کی مذمت کرتے ہوئے ان کی فوری رہائی کا مطالبہ کیا گیا ہے۔

سینئر صحافی کراچی پریس کلب اور @OfficialKUJ کے رکن @OfficialPfuj کی 70 سالہ تاریخی جدوجہد کو بطور مدیر کتابی شکل دینے والے وارث رضا کو رات گئے گھر سے حراست میں لے لیا گیا نامعلوم مقام پر منتقل،کے یو جے کی مذمت فوری رہائی کا مطالبہ @HamidMirPAK @MazharAbbasGEO @geofahmigeo pic.twitter.com/7aI0rC7VIh
— Karachi Union of Journalists (@OfficialKUJ) September 22, 2021

ترجمان کے یو جے کے مطابق وارث رضا کی گرفتاری انتہائی تشویشناک ہے اور کراچی یونین آف جرنلسٹس اسے آزادی صحافت پر حملہ تصور کرتی ہے، ملک میں اس وقت ہر اس توانا آواز کو دبانے کی کوشش کی جارہی ہے جو آزادی صحافت اور آزادی اظہار رائے پر یقین رکھتی ہے، کے یو جے نے مطالبہ کیا ہے کہ سینئر صحافی وارث رضا کو فوری طور پر رہا کیا جائے۔

It’s been ten hours now, my papa, senior journalist and columnist Waris Raza was abducted by law enforcement agencies last night, they want to suppress all progressive voices! My father has done nothing but speak truth to powers that be!#ReleaseWarisRaza
— Laila Raza (@LylaRaza) September 22, 2021