علامہ خادم رضوی کے استاد ،دوسرے بیٹے سمیت لبیک کی مرکزی شوریٰ کیخلاف حکومت کا بڑا فیصلہ

علامہ خادم رضوی کے استاد ،دوسرے بیٹے سمیت لبیک کی مرکزی شوریٰ کیخلاف حکومت کا بڑا فیصلہ

باغی ٹی وی کی رپورٹ کے مطابق حکومت نے تحریک لبیک کے خلاف کاروائی کا آغاز کر دیا ہے،

تحریک لبیک کے سربراہ علامہ خادم حسین رضوی مرحوم کے استاد العلمإ شیخ الحدیث وتفسیر حافظ عبدالستار سعیدی سمیت اہم رہنماؤں پر مقدمہ درج کر لیا گیا ہے،تھانہ ملت پارک لاہور میں پولیس اہلکار کی مدعیت میں درج ایف آئی آر میں کہا گیا ہے کہ مولانا حافظ عبدالستار سعدی، علامہ خادم حسین رضوی کے چھوٹے صاحبزادے حافظ انس حسین رضوی،سرپرست اعلیٰ تحریک لبیک پیر قاضی محمود اعوان ،مرکزی ناظم مالیات پیر محمد قاسم،امیر جنوبی پنجاب پیر سرور شاہ سیفی، امیر ہزارہ مفتی عمیر الزاہری،مولانا غلام عباس سیفی،مفتی وزیر انقادری ،مفتی عابد رضا قادری،قادری جمیل احمد،مولانا عاصم اشفاق رضوی،سید احمد شاہ بخاری،،مولانا اشفاق رضوی،مولانا صفدر علی خان رضوی،قاری رمضان،حافظ سرفراز رضوی،عمران فاروقی،حافظ عباس رضوی،رضوان موریکہ ایڈوکیٹ،مھسن ایڈوکیٹ، سلیم ایڈوکیٹ،عمار عرف ابن اسماعیل شامی و دیگر چالیس پچاس افراد مسلح اسلحہ آتشیں ڈنڈے،سوٹے، آہنی راڈ پکڑے، پٹرول کی بوتلیں ہاتھوں میں لئے خوف و ہراس پھیلا رہے تھے، اسلحہ سے فائرنگ اور توڑ پھوڑ کر رہے تھے ،کنٹرول روم پر ہم سے چیزیں چھین لی گئیں

باغی ٹی وی کے ذرائع کے مطابق حکومت نے تحریک لبیک کی قیادت کو گرفتارکرنے کا فیصلہ کر لیا ہے اسی لئے مقدمہ درج کیا گیا ہے، آج رات تحریک لبیک کے مرکزی رہنماؤں کی گرفتاریوں کا امکان ہے، مختلف اضلاع میں بھی لبیک کے کارکنان کی گرفتاریاں ہوں گی،

دوسری جانب آئی جی پنجاب کی زیر صدارت صوبہ میں جرائم کی بیخ کنی اور امن و امان بارے ویڈیو لنک کانفرنس ہوئی ،اجلاس میں سی سی پی او لاہور، ایڈیشنل آئی جیز آپریشنز، سپیشل برانچ اور سی ٹی ڈی کے علاوہ آر پی اوز کی بذریعہ ویڈیو لنک شرکت ہوئی،آئی جی پنجاب کا کہنا تھا کہ صوبے میں امن و امان کی صورتحال کو برقرار رکھنے اور جرائم کی بیخ کنی کیلئے کوئی کسر نہ اٹھا رکھی جائے۔ احتجاج کی آڑ میں شاہرات کو بلاک کرنے اور شہریوں کیلئے مسائل کا سبب بننے والوں کے خلاف سخت کاروائی کی جائے۔ ریاست کی رٹ کو برقرار رکھنے اور جرائم پیشہ افراد کے گرد گھیرا تنگ کرنے کیلئے تمام وسائل بروئے کار لائے جائیں۔ جن علاقوں میں جرائم کی شرح زیادہ ہے وہاں پٹرولنگ نفری کو بڑھانے کے ساتھ ساتھ موثر مانیٹرنگ کو یقینی بنایا جائے۔ پولیس کے انٹیلی جنس نیٹ ورک کو مضبوط سے مضبوط بنانے کے ساتھ ساتھ شہریوں کیلئے پریشانی کا باعث بننے والوں سے کوئی رعائیت نہ برتی جائے۔ اشتہاریوں بالخصوص اے کیٹیگری اور عدالتی مفروران کو قانون کی گرفت میں لانے کیلئے جدید ٹیکنالوجی کا بھرپور استعمال کیا جائے۔ فیلڈ کمانڈرز پبلک سروس ڈلیوری کو بہتر سے بہتر بنانے کے ساتھ ساتھ عوامی مسائل کے بروقت حل کو یقینی بنائیں۔ضلعی پولیس، سی ٹی ڈی اور سپیشل برانچ باہمی کوارڈی نیشن اور انفارمیشن شیئرنگ کو مزید موثر اور بہتر سے بہتر بنائیں۔اجلاس میں سی سی پی او لاہور غلا م محمود ڈوگر، ایڈیشنل آئی جی آپریشنز صاحبزادہ شہزاد سلطان، ایڈیشنل آئی جی سپیشل برانچ زعیم اقبال شیخ، ایڈیشنل آئی جی سی ٹی ڈی وسیم احمد خان، ڈی آئی جی آپریشنز پنجاب ساجد کیانی، ڈی آئی جی آپریشنز لاہور کیپٹن (ر) سہیل چوہدری اور اے آئی جی آپریشنز سید ذیشان رضا سمیت دیگر افسران بھی موجود تھے

واضح رہے کہ تحریک لبیک پر حکومت نے پابندی لگا دی تھی تحریک لبیک کے سربراہ حافظ سعد رضوی جو علامہ خادم حسین رضوی کے صاحبزادے ہیں کو 12 اپریل کو اسکیم موڑ چوک لاہورسے گرفتار کیا گیا تھا ،پولیس نے حافظ سعد رضوی کو 16 اپریل کا احتجاج روکنے کے لیے حراست میں لیا کیونکہ حکومت کے ساتھ ان کے مذاکرات ناکام ہوگئے تھے اور فرانسیسی سفیر کو ملک بدر کرنے سے متعلق تحریک لبیک نے اپنے موقف سے پیچھے ہٹنے سے انکار کردیا تھا

سعد رضوی کی گرفتاری کے بعد ملک بھر میں ہنگامہ آرائی ہوئی، اور حکومت نے تحریک لبیک پر پابندی لگا دی، پابندی کے خلاف تحریک لبیک نے اپیل دائر کی ہے جس پر حکومت فیصلہ دے گی تاحال حافظ سعد جیل میں بند ہیں اور انکی جماعت پر پابندی عائد ہے

علامہ خادم حسین رضوی نے ناموس رسالت کے عنوان پر مسلمان قوم میں بیداری پیدا کی،مولانا معاویہ اعظم طارق

تحریک لبیک کا دھرنا، کارکنان گرفتار،کیا خادم حسین رضوی کو گرفتار کر لیا گیا؟

کسی کو نہیں چھوڑیں گے، مذہبی جماعت کیخلاف بڑے فیصلے ہو گئے، شیخ رشید

تحریک لبیک دھرنا،راستے بند ہونے پر ٹریفک کا متبادل روٹ جاری

حکومت کیلئے نئی مشکل، تحریک لبیک کا ناموس رسالت مارچ کا اعلان

سعد رضوی کی گرفتاری کی ویڈیو سامنے آ گئی

تحریک لبیک کے کارکنان سڑکوں‌ پر نکل آئے،لاہور بند،ملک جام کرنیکا اعلان