وزارت خارجہ میں کشمیر بارے اہم اجلاس،وزیراعظم آزاد کشمیر کی شرکت،قریشی نے کیا کہا؟
باغی ٹی وی کی رپورٹ کے مطابق وزیر خارجہ شاہ محمود قریشی نے کہا ہے کہ وزارت خارجہ میں قائم کشمیر سیل موثر انداز میں مسئلہ کشمیر کو بین الاقوامی سطح پر اجاگر کرنے کے لیے اپنا کردار ادا کر رہا ہے۔ پاکستان اپنے مظلوم کشمیری بھائیوں کے جائز حق،حق خودارادیت کے حصول کی جدوجہد میں ان کی سیاسی، سفارتی اور اخلاقی معاونت جاری رکھے گا۔
وزیر خارجہ ہفتہ کو وزارت خارجہ میں آزاد کشمیر کے پارلیمانی رہنماوں کے اہم اجلاس کی صدارت کر رہے تھے۔اجلاس میں وزیر اعظم آزاد کشمیر راجہ فاروق حیدر خان، وفاقی وزیر امور کشمیر و گلگت بلتستان علی امین گنڈا پور، پاکستان تحریک انصاف آزاد کشمیر کے صدر بیرسٹر سلطان محمود چوہدری، سپیکر آزاد کشمیر اسمبلی شاہ غلام قادر اور آزاد جموں و کشمیر کے پارلیمانی رہنماوں کی شرکت کی۔
اجلاس میں مقبوضہ جموں و کشمیر میں گذشتہ چھ ماہ سے جاری مسلسل کرفیو اور انسانی حقوق کی سنگین خلاف ورزیوں کو بین الاقوامی سطح پر اجاگر کرنے کے لئے آئندہ کی حکمت عملی پر تفصیلی مشاورت کی گئی۔وزیر خارجہ نے وزارت خارجہ تشریف آوری پر آزاد کشمیر کے پارلیمانی رہنماوں کا شکریہ ادا کیا۔آزاد کشمیر کے پارلیمانی رہنماوں نے 5 فروری کو وزیر اعظم عمران خان کے، آزاد کشمیر کی قانون ساز اسمبلی کے مشترکہ اجلاس سے خطاب کو سراہا۔
وزیر خارجہ نے کہا کہ ہم نے سفارتی حوالے سے مقبوضہ جموں و کشمیر میں جاری انسانی حقوق کی خلاف ورزی کو بھرپور طریقے سے اجاگر کرنے کی بھرپور کوشش کی جبکہ برطانیہ میں مقیم پاکستانی اور کشمیری کمیونٹی نے مسئلہ کشمیر کو اجاگر کرنے میں اہم کردار ادا کیا۔وزیر خارجہ نے کہا کہ مسئلہ کشمیر اقوام متحدہ کی سلامتی کونسل کے ایجنڈے پر موجود ہے لیکن ہمارا سیکورٹی کونسل سے دوبارہ رجوع کرنے کا مقصد اس مسئلے کو از سر نو بین الاقوامی سطح پر اجاگر کرنا اور اپنے موقف کی تجدید کرنا تھا۔ ہمیں سلامتی کونسل میں کامیابی حاصل ہوئی اور مسئلہ کشمیر زیر بحث آیا۔ہیومن رائٹس کونسل کے جنیوا میں ہونے والے اجلاس میں بھی ہم نے مقبوضہ جموں و کشمیر کے مسئلے کو موثر انداز میں اٹھایا جبکہ امریکی کانگریس اور یورپی پارلیمنٹ میں بھی مسئلہ کشمیر پر سیر حاصل بحث ہو چکی ہے۔
شاہ محمود قریشی نے کہا کہ ہم نے وزیراعظم کی ہدایت پر وزارت خارجہ میں کشمیر سیل قائم کیا جو موثر انداز میں مسئلہ کشمیر کو بین الاقوامی سطح پر اجاگر کرنے کے لیے اپنا کردار ادا کر رہا ہے ۔ آج آزاد کشمیر کی قیادت سے ملاقات اور مشاورت کا مقصد آپ کی آراء کی روشنی میں مسئلہ کشمیر کے حوالے سے آئندہ کا لائحہ عمل مرتب کرنا ہے .
وزیر اعظم آزاد کشمیر راجہ فاروق حیدر نے مسئلہ کشمیر کے حوالے سے وزیر اعظم عمران خان اور وزیر خارجہ مخدوم شاہ محمود قریشی کی کاوشوں کو سراہتے ہوئے مسئلہ کشمیر کو بین الاقوامی سطح پر موثر انداز میں مزید اجاگر کرنے کے کیلئے مشترکہ کوششیں بروئے کار لانے کا عندیہ دیا۔
وزیر خارجہ مخدوم شاہ محمود قریشی نے وزیر اعظم آزاد کشمیر راجہ فاروق حیدر اور آزاد کشمیر کے دیگر پارلیمانی رہنماوں کی جانب سے دی جانے والی تجاویز کا شکریہ ادا کیا۔
کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب
وزیراعظم نے مظلوموں کا مقدمہ دنیا کے سب سے بڑے فورم پررکھ دیا،فردوس عاشق اعوان
یوم یکجہتی کشمیر، پاک فوج نے جاری کیا کشمیریوں سے یکجہتی کے لئے ملی نغمہ "کشمیر ہوں میں”
یوم یکجہتی کشمیر پر علی امین گنڈا پور نے کی قوم سے بڑی اپیل، کیا کہا؟
مقبوضہ کشمیر،کشمیری سڑکوں پر،عمران خان زندہ باد کے نعرے، کہا اللہ کے بعدعمران خان پر بھروسہ
کشمیری اکیلے نہیں،ہم ان کے ساتھ کھڑے ہیں، غیر متزلزل حمایت جاری رہے گی،آرمی چیف
مسلح افواج کشمیریوں کے ساتھ ہیں، چیئرمین جوائنٹ چیفس آف سٹاف کمیٹی کا پیغام
خون کے آخری قطرے تک کشمیریوں کے ساتھ، نیول چیف کا دبنگ اعلان
یوم یکجہتی کشمیر، سربراہ پاک فضائیہ نے دیا کشمیریوں کو پیغام
مودی سرکار نےتمام حریت قائدین، سیاسی رہنماؤں کو گرفتار کر رکھا ہے،احتجاج کرنے والے اور گھروں سے نکلنے والے ہزاروں کشمیریوں کو بھی گرفتار کیا گیا ہے. مقبوضہ کشمیر کے گورنر ستیاپال نے محبوبہ مفتی اور عمر عبداللہ کو اس شرط پر رہا کرنے کا کہا تھا کہ وہ رہائی کے بعد خاموش رہیں گے. اور مقبوضہ کشمیر کی خصوصی حیثیت کے خاتمے کے حوالے سے کوئی بات نہیں کریں گے لیکن عمرعبداللہ اور محبوبہ مفتی نے مودی سرکار کی شرائط ماننے سے انکار کر دیا
کشمیریوں سے یکجہتی، وزیراعظم کی کال پر قوم لبیک کہنے کو تیار
بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ
یکجہتی کشمیر، قومی اسمبلی میں کشمیر کا پرچم لہرا دیا گیا،علی امین گنڈا پور نے کیا اہم اعلان
یوم یکجہتی کشمیر،بھارتی ناجائز تسلط کے خلاف ہو گا دنیا بھر میں احتجاج، سفیرکشمیر جائیں گے مظفر آباد
یوم یکجہتی کشمیر،وزیرخارجہ نے کیا عالمی دنیا سے بڑا مطالبہ
مودی مسلمانوں کا قاتل، کشمیر حق خودارادیت کے منتظر ہیں، صدر مملکت
یوم یکجہتی کشمیرپرتحریک آزادی بارے مفتیان نے کیا فتویٰ دیا؟ لیاقت بلوچ نے بتا دیا
یکجہتی کشمیر،جماعت اسلامی کی ہوں گی ملک بھر میں ریلیاں، شیڈول جاری
کشمیر متنازعہ علاقہ، بھارت فوج بھیج سکتا ہے تو پاکستان کیوں نہیں؟ سراج الحق
تمام پارلیمانی فورموں پر مسئلہ کشمیر کو اجاگر کیا،سپیکر قومی اسمبلی اسد قیصر
ہماری امن پسندی کو کمزوری نہ سمجھا جائے، یوم یکجہتی کشمیر پر وزیر داخلہ کا پیغام
مودی پاگل،میرا ایمان ہے کشمیر آزاد ہو گا، وزیراعظم نے کیا مظفرآباد میں اہم اعلان
واضح رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔ بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے
مودی کی غلطی آخری غلطی ہوگی،کشمیریوں پر اچھا وقت آنیوالا ہے، وزیراعظم
