کس کی حکومت ہے ؟ کہاں ہے قانون ؟ کیا یہ ہوتا ہے پارلیمانی نظام حکومت ؟ چیف جسٹس برس پڑے

کس کی حکومت ہے ؟ کہاں ہے قانون ؟ کیا یہ ہوتا ہے پارلیمانی نظام حکومت ؟ چیف جسٹس برس پڑے

سپریم کورٹ کراچی رجسٹری میں نسلہ ٹاور کیس کی سماعت 16جون تک ملتوی کر دی گئی

عدالت نے نسلہ ٹاور کے وکلا سے کمشنر کراچی کی رپورٹ پر جواب طلب کرلیا ،چیف جسٹس گلزار احمد نے ریمارکس دیتے ہوئے کہا کہ کراچی کا سسٹم کینیڈا سے چلایا جارہا ہے کراچی پر کینیڈا سے حکمرانی کی جارہی ہے ،یونس میمن سندھ کا اصل حکمران ہے اوروہی کراچی کاسسٹم چلارہاہے، چیف جسٹس گلزار احمد نے ایڈوکیٹ جنرل سندھ سے مکالمہ کرتے ہوئے کہا کہ ہم آپ سے بات کررہے ہیں، سندھ میں کس کی حکومت ہے ؟ کہاں ہے قانون ؟ کیا یہ ہوتا ہے پارلیمانی نظام حکومت ؟ایسی ہوتی ہے حکمرانی ؟آپ لوگ نالے صاف نہیں کرسکتے، آپ لوگ صوبہ کیسے چلائیں گے ؟ دو سال ہوگئے آپ نالہ صاف نہیں کرسکے ،کاغذات پر پرانی تاریخ لکھ کر دے رہے ہیں ،یہاں گورننس نام کی چیز نہیں ہے

جسٹس اعجاز الاحسن نے بلڈر کے وکیل سے مکالمہ کرتے ہوئے کہا کہ آپ لوگوں نے سروس روڈ پر بلڈنگ تعمیر کردی ؟ وکیل بلڈر نے عدالت میں کہا کہ پل کی تعمیر کی وقت سڑک کا سائز کم کیا گیا تھا ،چیف جسٹس گلزار احمد نے کہا کہ شاہراہ فیصل کا سائز کبھی کم نہیں ہوا ، آپ نےدونوں اطراف سے سڑک پر قبضہ کیا ہے شاہرا فیصل کو وسیع کرنے کیلئے تو فوج نے بھی زمین دے دی تھی، یہاں پتہ نہیں کیا ہورہا ہے ؟ مسلسل قبضے کیے جارہے ہیں ،ہمارے سامنے کمشنر کی رپورٹ ہے، نسلہ ٹاور میں غیر قانونی تعمیرات شامل ہیں ،اب بھی قبضے ہورہے ہیں انہیں کوئی فکر نہیں دھندا شروع کیا ہوا ہے ، یا تو ہم 50 لوگوں کو بند کردیں ان لوگوں کو جیل بھیجنے سے مسئلہ حل ہوگا سارے رفاعی پلاٹوں پر پلازے بن گئے، ایڈوکیٹ جنرل نے عدالت میں جواب دیا کہ آپ کے احکامات کے بعد کارروائی ہوئی .جس پر چیف جسٹس گلزار احمد نے کہا کہ اب بھی دھندا چل رہا ہے ،ایس بی سی اے کا کام چل رہا ہے ،جو پیسہ دیتا ہے اس کا کام ہوجاتا ہے ،کتنا ہی غیر قانونی ہو ،شارع فیصل کا سائز کبھی کم نہیں ہوا ، آپ نےدونوں اطراف سے سڑک پر قبضہ کیا ہے حکومت کہاں ہے ؟ کون ذمہ داری لے گا ؟ آپ کو کوئی پریشانی نہیں ہے، جھوٹی رپورٹس پیش کردیتے ہیں آپ سمجھتے ہیں عدالت کو پتا نہیں چلے گا ؟

مزار قائد کے اطراف میں کیا کام کریں؟ چیف جسٹس نے کمشنر کراچی کو بڑا حکم دے دیا

ہمارے سامنے ماسٹر نہ بنیں، کسی کے لاڈلے ہونگے،ہمارے نہیں،چیف جسٹس کے ریمارکس

سپریم کورٹ نے دیا شہر قائد میں پارک کی زمین پر بنائے گئے فلیٹ گرانے کا حکم

ماضی میں توجہ نہیں ملی،اب ہم یہ کام کریں گے، زرتاج گل کا حیرت انگیز دعویٰ

عمران خان مایوس کریں گے یا نہیں؟ زرتاج گل نے کیا حیرت انگیز دعویٰ

نہر کنارے درخت کاٹ کر ان کے ساتھ دہشت گردی کی گئی، چیف جسٹس لاہور ہائیکورٹ

ملزم نے دو شادیاں کر رکھی ہیں،وکیل کے بیان پر چیف جسٹس سندھ ہائیکورٹ نے کیا ریمارکس دیئے؟

سرکلرریلوے کی بحالی ،چیف جسٹس نے کی سماعت،سندھ حکومت نے دیا جواب