اسلام آباد ہائیکورٹ میں سیکورٹی سخت،رینجرزتعینات،حملہ وکلاء کو عدالت نے کہاں بھجوا دیا؟
باغی ٹی وی کی رپورٹ کے مطابق وکلا کے اسلام آبادہائی کورٹ پر حملہ کے چوتھے روز عدالت عالیہ میں سیکیورٹی سخت کر دی گئی
اسلام آباد ہائی کورٹ کی تمام عدالتوں کے باہر رینجرز اور پولیس کے دستے تعینات کر دیئے گئے،چیف جسٹس اطہر من اللہ کی عدالت اور چیف جسٹس بلاک کے باہر سیکیورٹی انتظامات کئے گئے ہیں،
اسلام آباد ہائیکورٹ کے اطراف میں بھی سیکیورٹی کے سخت ،غیر متعلقہ افراد کا داخلہ بند کر دیا گیا،عدالت عالیہ میں صرف متعلقہ افراد کو مکمل چیکنگ کے بعد داخلے کی اجازت دی گئی ہے،اسلام آباد ہائیکورٹ بار نے آج پھر مکمل ہڑتال کی کال دی ہے اور عدالتوں کا بائیکاٹ کر رکھا ہے،
ہائیکورٹ بار کا کہنا ہے کہ جو وکیل کسی عدالت میں پیش ہو گا اس کے خلاف کارروائی ہو گی ،
دوسری جانب اے ٹی سی اسلام آباد میں ہائیکورٹ ہنگامہ آرائی اور چیف جسٹس بلاک پر قبضہ کیس کی سماعت ہوئی،انسداد دہشت گردی عدالت نے تمام ملزمان وکلا کو جوڈیشل ریمانڈ پر جیل بھیج دیا،عدالت میں پیش کیے گئے وکلا میں ظفر علی ورائچ،نوید ملک، شیخ شعیب اور نازیہ بی بی شامل ہیں.
