اٹلی میں جاری اسپیشل اولمپکس ورلڈ ونٹر گیمز میں پاکستان نے ایک اور شاندار کامیابی حاصل کی ہے۔ پاکستانی کھلاڑی آفاق خان نے 100 میٹر اسنو شوئنگ میں شاندار پرفارمنس کا مظاہرہ کرتے ہوئے پہلی پوزیشن حاصل کی اور سونے کا تمغہ اپنے نام کیا۔ یہ پاکستان کا اسپیشل اولمپکس ورلڈ ونٹر گیمز میں تیسرا گولڈ میڈل ہے۔
اس سے قبل، 50 میٹر کراس کنٹری اسکینگ کے ایونٹ میں پاکستان کے منیب الرحمان نے بھی گولڈ میڈل جیتا تھا، جبکہ اس ہی ایونٹ کے ویمنز فائنل میں پاکستان کی روینہ قربان نے چاندی کا تمغہ اپنے نام کیا تھا۔پاکستان کے معظم اقبال نے بھی کراس کنٹری اسکینگ میں شاندار کارکردگی کا مظاہرہ کرتے ہوئے گولڈ میڈل جیتا تھا، اس کے علاوہ، معظم اقبال نے 800 میٹر اسنو شوئنگ میں بھی پہلی پوزیشن حاصل کی تھی۔اس شاندار کامیابی سے پاکستان کے کھلاڑیوں نے عالمی سطح پر اپنے ملک کا نام روشن کیا ہے اور یہ میڈلز اسپیشل اولمپکس ورلڈ ونٹر گیمز میں پاکستان کی عزم اور محنت کا منہ بولتا ثبوت ہیں۔
جنوبی وزیرستان ،مسجد میں دھماکہ،جے یوآئی کےضلعی امیر زخمی
پنجاب کے کالجز میں بھارتی گانوں پر ڈانس اور غیر اخلاقی سرگرمیوں پر پابندی
