ٹی ٹوئنٹی ایشیاء کپ میں پاکستان کرکٹ ٹیم کی یو اے ای کے خلاف میچ سے قبل شیڈول پریس کانفرنس منسوخ کردی گئی۔
ٹیم ذرائع کے مطابق پاکستانی کھلاڑیوں نے آج شام ساڑھے 7 بجے پریس کانفرنس کرنا تھی، تاہم اسے باضابطہ طور پر منسوخ کر دیا گیا۔ پاکستان اور متحدہ عرب امارات کے درمیان میچ کل (بدھ کو) کھیلا جائے گا۔واضح رہے کہ ایشیاء کپ میں پاک بھارت میچ کے دوران ریفری اینڈی پائی کرافٹ کے رویے پر تنازع پیدا ہوا تھا۔ پائی کرافٹ نے ٹاس سے پہلے کپتان سلمان علی آغا کو کہا تھا کہ ہینڈ شیک نہیں ہوگا، جس کے بارے میں بعد ازاں ٹورنامنٹ ڈائریکٹر اینڈریو رسل نے بتایا کہ یہ بھارتی بورڈ کی ہدایت پر کیا گیا تھا۔
ذرائع کے مطابق پاکستان نے آئی سی سی سے پائی کرافٹ کو ہٹانے کا باضابطہ مطالبہ کیا تھا، لیکن آئی سی سی نے یہ درخواست مسترد کرتے ہوئے پی سی بی کو آگاہ کر دیا ہے۔پاکستان اور یو اے ای کے میچ کے لیے ریفری کون ہوگا، اس کا فیصلہ تاحال نہیں ہو سکا۔ادھر ٹیم نے پریس کانفرنس منسوخ کرنے کے باوجود معمول کے مطابق ٹریننگ سیشن میں حصہ لیا۔
امریکی ناظم الامور کا قصور کے سیلاب متاثرہ علاقوں کا دورہ
بانی پی ٹی آئی سے جیل میں سوشل میڈیا اکاؤنٹس پر تفتیش
