بلاول بھٹو زرداری کی سربراہی میں پاکستان پیپلز پارٹی کے ترجمانوں کا اجلاس

اسلام آباد: پاکستان پیپلز پارٹی (پی پی پی) کے چیئرمین بلاول بھٹو زرداری کی زیر صدارت پارٹی کے ترجمانوں کا اہم اجلاس منعقد ہوا۔ اجلاس میں بلاول بھٹو زرداری کے ساتھ آصفہ بھٹو زرداری اور پی پی پی شعبہ خواتین کی مرکزی صدر فریال تالپور بھی موجود تھیں۔اجلاس میں بلاول بھٹو زرداری نے پیپلز پارٹی کے مؤقف پر آئینی عدالت سے متعلق نکات پر تبادلہ خیال کیا۔ اس موقع پر پی پی پی کے اہم رہنما، بشمول شیری رحمان، شازیہ مری، نثار کھوڑو، شرجیل میمن، ناصر شاہ، مرتضی وہاب، سعید غنی اور چودھری منظور نے بھی شرکت کی۔اجلاس کے دوران پارٹی کے موجودہ سیاسی حالات اور آئینی امور پر تفصیلی گفتگو کی گئی، جس کا مقصد پی پی پی کی حکمت عملی کو مزید مضبوط کرنا تھا۔ بلاول بھٹو زرداری نے پارٹی ترجمانوں کو ہدایت کی کہ وہ عوام کے سامنے پیپلز پارٹی کے مؤقف کو مؤثر انداز میں پیش کریں۔