ڈی جی خان :کمشنرکی زیر صدارت ویڈیو لنک اجلاس،عام انتخابات،معاملات کا جائزہ لیا گیا۔

ڈیرہ غازی خان باغی ٹی وی (نیوز رپورٹر شاہد خان )کمشنر ڈی جی خان ڈویژن ڈاکٹر ناصر محمود بشیر کی زیر صدارت ویڈیو لنک اجلاس منعقد ہوا جس میں قومی انتخابات کے معاملات کے حوالے سے انتظامات اور متعلقہ معاملات کا جائزہ لیا گیا۔ریجنل الیکشن کمشنر شکیل احمد،ڈسٹرکٹ الیکشن کمشنر امتیاز احمد،ڈی آر اوز/ڈپٹی کمشنرز اور متعلقہ افسران شریک

کمشنر ڈیرہ غازی خان ڈویژن ڈاکٹر ناصر محمود بشیر کی زیر صدارت ویڈیو لنک اجلاس میں انتخابی شیڈول اور سہولیات کا جائزہ لیا گیا۔کمشنر ڈاکٹر ناصر محمود بشیر نے کہا کہ ٹرانسپورٹیشن،سیکیورٹی پلان اور پولنگ سکیم کو جلد حتمی شکل دی جائے۔حساس اور انتہائی حساس پولنگ سٹیشن پر سی سی ٹی وی کیمرے نصب ہوں گے۔انتخابی عمل کا ویڈیو ریکارڈ بھی مرتب کیا جائیگا ۔

کمشنر ڈی جی خان نے کہا کہ عام انتخابات کے حوالے سے انتظامات اور متعلقہ معاملات کی باقاعدہ چیک لسٹ بنائی جائے۔انہوں نے کہا کہ انتخابی عمل کو شفاف بنایا جائیگا ۔ضابطہ اخلاق کی پاسداری کےلئے سختی کی جائے گی۔