غزہ میں 370 افراد کی اجتماعی قبر ملنے پر امریکا نے اسرائیل سے جواب طلب کرلیا ہے۔
باغی ٹی وی : غزہ کے علاقے خان یونس کے ناصر اسپتال سے 340 افراد کی اجتماعی قبر دریافت ہوئی ہےغزہ سول ڈیفنس ایجنسی کے مطابق شہر میں الشفا اسپتال کے صحن سے تقریباً 30 افراد کی اجتماعی قبر دریافت ہوئی،امریکا نے غزہ میں اجتماعی قبروں کی دریافت پر اسرائیل سے جواب طلب کرلیا ہے۔
وائٹ ہاؤس کے مشیر قومی سلامتی جیک سلیوان نے کہا ہے غزہ پٹی کے دو اسپتالوں میں اجتماعی قبروں کی دریافت کے بعد اسرائیلی حکام سے جواب چاہتے ہیں، امریکا چاہتا ہے اس معاملے کی مکمل اور شفاف تحقیقات کی جائیں۔
جدید ٹیکنالوجی کے استعمال سے خظرناک اشتہاری مجرم گرفتار
دوسری جانب اسرائیل کی غزہ میں دہشت گردی جاری ہے، ایک طرف اسرائیلی فضائیہ نے جنوبی غزہ کے علاقے رفح میں پناہ گزین کیمپ پر میزائل برسا دئے، تو دوسری جانب رفاح میں ہی زمینی حملے کی تیاری بھی کرلی ہےرفح کے پناہ گزین کیمپ پر ہوئے فضائی حملے میں چھ فلسطینی شہید اور متعدد زخمی ہوئے،اسرائیل نے فوج کی دو بریگیڈز رفح پر زمینی حملے کے لیے بھیجنے کی تیاریاں مکمل کرلی ہیں۔
چترال:علاقہ پرسن میں پہاڑ گرگیا،کئی ہفتوں سے راستے بند،اشیائے خوردونوش ختم،مریض گھروں میں مرنے لگے
اسرائیلی حکام کا کہنا ہے کہ حملے کیلئے بس حکومت کی اجازت درکار ہے رفح سے نقل مکانی کرنے والوں کے لیے خان یونس میں خیمے لگا دئے گئے ہیں،رفح میں فی الوقت پندرہ لاکھ بے گھر فلسطینی موجود ہیں جبکہ صرف 40 ہزار خیمے خریدے گئے ہیں۔
