قطر امیری بحریہ کے جہاز الخور نے کراچی کا دورہ کیا، پاک بحریہ کے افسران اور جوانوں نے قطری جہاز کا پرتپاک استقبال کیا۔
باغی ٹی وی کی رپورٹ کے مطابق پاک بحریہ کی جانب سے جاری اعلامیہ کے مطابق دورےکے دوران قطری بحری جہاز کے کمانڈنگ آفیسر نے مزار قائد پر حاضری دی۔انہوں نے کمانڈر پاکستان فلیٹ وائس ایڈمرل فیصل عباسی سے بھی ملاقات کی۔ملاقات کے دوران قطری بحری جہاز کے کمانڈنگ آفیسر نے خطے میں امن و سلامتی کے فروغ میں پاک بحریہ کی کوششوں کو سراہا۔ ملاقات میں باہمی دلچسپی اور دوطرفہ تعاون پر تبادلہ خیال کیا گیا۔قطری جہاز اپنے دورہ کے دوران مشق اسد البحر اور مشترکہ تربیت اور تبادلہ خیال میں حصہ لے گا۔
کراچی: جرمنی جانے کی کوشش میں مزید 3 افغان خواتین گرفتار
واضح رہے کہ قطری جہاز کا یہ اہم دورہ نہ صرف پاکستان اور قطر کے درمیان مضبوط سفارتی تعلقات کی نشاندہی کرتا ہے بلکہ دفاعی اور باہمی تعلقات کو مزید فروغ دینے کا موقع فراہم کرتا ہے
