خیبر پختونخوا صوبائی کابینہ کو وزراتیں مل گئیں

خیبر پختونخوا حکومت نے کابینہ میں شامل وزراء ، مشیروں اور معاونین خصوصی کو قلمدان سونپ دئے ، جسکا باقاعدہ نوٹیفیکیشن اسٹیبلٹمنٹ ڈیپارٹمنٹ نےجاری کردیا۔
نوٹیفکیشن کے مطاق ارشد ایوب خان کو محکمہ بلدیات،امجد علی کو ہائوسنگ ، سید قاسم علی شاہ کو صحت جبکہ بیرسٹر محمد علی سیف کو وزارت اطلاعات کا قلمدان دے دیا گیا۔
مینا خان کو اعلیٰ تعلیم ،شکیل احمد کو مواصلات و تعمیرات ،فضل حکیم کو جنگلات ماحولیات و جنگلی حیات جبکہ عدنان قادری کو حج اوقاف کا قلمدان تفویض کیا گیا ۔
نوٹیفکیشن کے مطابق فیصل ترکئی ابتدائی و ثانوی تعلیم ،ظاہر شاہ طورو خوراک کا محکمہ دے دیا گیا ۔عاقب اللہ کو آبپاشی محمد سجاد کو زراعت ،فضل شکور خان کو محنت، نذیر احمد عباسی کو مال ،پختون یار کو آبنوشی آفتاب عالم کو قانون و انسانی حقوق اور خلیق الرحمن کو ایکسائز اینڈ ٹیکسیشن کی وزارت دے دی گئی ہے ۔سید فخر جہاں کو کھیل و امور نوجوانان، مزمل اسلم کو محکمہ خزانہ ، مشال یوسفزئی کو سماجی بہبود و ترقی نسواں اور زاہد چن زیب کو ثقافت سیاحت و آثار قدیمہ کا قلمدان دیا گیا ہے۔ان کے علاوہ خالد لطیف کو سائنس اینڈ انفارمیشن ٹیکنالوجی ،عبدالکریم تورڈھیر کو صنعت و حرفت لیاقت علی کو بہبود آبادی کا محکمہ دے دیا گیا ۔