میہڑ (باغی ٹی وی،نامہ نگار منظورعلی جوئیہ) ڈی سی دادو کے حکم پر اسسٹنٹ کمشنر میہڑ غلام فاطمہ گھلو اور مختیار کار اسلم مگسی نے گاؤں سندھی بٹڑا میں کارروائی کرتے ہوئے دو غیر قانونی پٹرول پمپ سیل کر دیے۔
کارروائی کے دوران صدورو گوگانی اور سید مدد علی شاہ کے زیرِ انتظام چلنے والے پٹرول پمپ بند کیے گئے۔ یہ پٹرول پمپ مالکان کئی سالوں سے غیر معیاری پٹرول اور ڈیزل غیر قانونی طور پر فروخت کر رہے تھے۔ عوام کی جانب سے مسلسل شکایات کے بعد انتظامیہ نے یہ قدم اٹھایا۔
انتظامیہ کا کہنا ہے کہ غیر معیاری ایندھن کی فروخت عوام کی صحت اور گاڑیوں کے لیے خطرہ ہے، اور غیر قانونی کاروبار کسی صورت برداشت نہیں کیا جائے گا۔
