یمن سے میزائلکے خطرے کے پیش نظر یروشلم شہر سمیت جنوبی اسرائیل کے کئی علاقوں میں سائرن بج گئے۔
غیر ملکی خبر رساں ادارے کے مطابق اسرائیلی فوج کی جانب سے یمن سے میزائل داغے جانے کی نشاندہی کے بعد یروشلم ارگرد کے علاقوں کے ساتھ ساتھ جنوبی اسرائیل میں سائرن بجنے کے کچھ دیر بعد اطلاع دی گئی کہ میزائل کو فضائی دفاعی نظام نے کامیابی کے ساتھ مار گرایا ہے۔ یمن سے فائر کئے گئے میزائل کی وجہ سے اسرائیل کے کئی شہروں اور قصبوں میں لوگ بم سے بچنے کی پناہ گاہوں میں جانے پر مجبور ہو گئے اور زندگی کے معمولات مین ایک گھنٹے کے لئے خلل پرا۔
کل جمعہ کے وقت بھی یمن سے اسرائیل پر میزائل فائر کیا گیا تھا جسے راستے مین انترسیپٹ کر لیا گیا تاہم اس میزائل کی وجہ سے بھی یروشلم اور کئی دوسرے علاقوں میں سائرن بج گئے تھے۔ واضح رہے کہ یمن کے ایک حصے پر قابض حوثی ملیشیا کئی ہفتوں سے امریکہ کے مسلسل حملوں کی زد میں ہے۔
حوثی ملیشیا کے میزائلوں کے ذخیرے امریکی طیاروں کی بمباری کا خاص ٹارگٹ ہیں، ان حملوں کے جواب میں یمن کی حوثی ملیشیا بحیرہ احمر میں موجود امریکی بحری جہاز اور دوسری تنصیبات کو بھی نقصان پہنچانے کے لئے حملے کرتی ہے اور ایک آدھ میزائل اسرائیل پر بھی فائر کر دیتی ہے جو عموماً راستے میں ہی انٹرسیپٹ ہو جاتا ہے۔
بھارتی فوج کے سربراہ کا اہم خط لیک ، اعلیٰ عسکری تقرریوں پر تحفظات کا اظہار
پی ایس ایل 10،اسلام آباد کی کوئٹہ کیخلاف بیٹنگ جاری
