خیبر پختونخوا اور سندھ میں واقع فیلڈز سے تیل اور گیس کی پیداوار شروع

آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے خیبر پختونخوا اور سندھ میں واقع فیلڈز سے تیل اور گیس کی پیداوار شروع کر دی ۔

باغی ٹی وی : او جی ڈی سی ایل کی جانب سے جاری اعلامیے میں کہا گیا ہے کہ ضلع کوہاٹ میں واقع چندا کنواں نمبر 7 سے پیداوار شروع کرنے کا اعلان کر دیا نئے کنویں سے 305بیرل یومیہ خام تیل اور 25لاکھ مکعب فٹ یومیہ گیس کی پیداوار حاصل کی جا رہی ہے ۔گیس کی پیداوارکو سوئی ناردرن نیٹ ورک میں شامل کر دیا گیا ہےضلع حیدر آباد میں واقع کنر کنواں نمبر 8 کی کامیاب کے بعد یومیہ 540 بیرل خام تیل کی پیداوارشروع ہو گئی ہےاوجی ڈی سی ایل ترجمان کے مطابق نئی پیداوار سے درآمدی بل میں سالانہ 3 کروڑ 82 لاکھ ڈالر کی بچت ہو گی۔