Home›پاکستان›اسلام آباد›پاراچنارمیں 5سالہ بچی کے ساتھ زیادتی اورقتل کیس پررحمان ملک کا نوٹس

پاراچنارمیں 5سالہ بچی کے ساتھ زیادتی اورقتل کیس پررحمان ملک کا نوٹس

نومبر 21, 2019

باغی ٹی وی کی رپورٹ کے مطابق سینیٹ قائمہ کمیٹی داخلہ نے پاراچنارمیں5سالہ بچی کے ساتھ زیادتی اورقتل کیس پرنوٹس لے لیا،سینیٹر رحمان ملک نےسیکریٹری داخلہ اورمتعلقہ اداروں سے رپورٹ طلب کرلی،چیئرمین قائمہ کمیٹی رحمان ملک نے کے پی حکومت اور آئی جی پولیس کو ملزمان کی گرفتاری کا حکم دے دیا،سینیٹر رحمان ملک نےبچی کے قتل اور زیادتی سے متعلق رپورٹ10دن میں طلب کرلی،

5سالہ گل سکینہ پاراچنار کے گاوں پیواڑ میں چند روز پہلے ریپ کے بعد مردہ پائی گئی تھی،5سالہ گل سکینہ اسکول گئی مگر واپس نہ آئی جو بعد میں پانی کے تالاب میں پائی گئی،سینیٹر رحمان ملک نے ننھی گل سکینہ کے ریپ و قتل پر شدید دکھ و درد کا اظہارکیا.

رحمان ملک کا کہنا تھا کہ کے پی حکومت ننھی بچی گل سکینہ کے قاتل فوری گرفتار کرکے انہیں کیفرکردارتک پہنچائے، بچوں سے زیادتی ،قتل کرنےوالے ظالموں کو سر عام پھانسی دی جائےتاکہ عبرت حاصل ہو،آئی جی پولیس کے پی خود ننھی بچی گل سکینہ کے قتل کی تفتیش کی نگرانی کرے،

ممتاز حیدر

ممتاز حیدر اعوان ،2007 سے مختلف میڈیا اداروں سے وابستہ رہے ہیں، پرنٹ میڈیا میں رپورٹنگ سے لے کر نیوز ڈیسک، ایڈیٹوریل،میگزین سیکشن میں کام کر چکے ہیں، آجکل باغی ٹی وی کے ساتھ بطور ایڈیٹر کام کر رہے ہیں Follow @MumtaazAwan