پی ٹی آئی کی خواتین اراکین اسمبلی نااہل ہوں گی یا نہیں فیصلہ محفوظ
باغی ٹی وی کی رپورٹ کے مطابق پی ٹی آئی کی تین خواتین ارکان اسمبلی نا اہلی کیس کا فیصلہ عدالت نے محفوظ کر لیا ،اسلام آباد ہائیکورٹ نے فریقین کے دلائل سننے کے بعد فیصلہ محفوظ کیا، عدالت نے استفسار کیا کہ کیا مخصوص نشست کی نااہلی کیلئے آج تک الیکشن ٹریبونل میں کیس آیا؟ جس پر الیکشن کمیشن کے وکیل نے کہا کہ ابھی تک مخصوص نشست کی نااہلی کیلئےکوئی درخواست نہیں آئی،
لاجزمیں غیرمتعلقہ افراد کا رش،خواتین سینیٹرزکا سرکاری گھروں میں عدم تحفظ کا اظہار
واضح رہے کہ درخواست گزار نے عدالت میں موقف اختیار کیا کہ کاغذات نامزدگی کی آخری تاریخ تک ملیکہ بخاری دوہری شہریت رکھتی تھیں، کنول شوذب نے اسلام آباد ہائی کورٹ میں ووٹ تبدیلی پر غلط بیانی کی، عدالت سے استدعا ہے کہ آئین کے آرٹیکل 62 اور 63 کے تحت ممبران کو نااہل کیا جائے۔ ایم این اے تاشفین صفدر کی دوہری شہریت پر نااہلی کیس پر بھی سوموار کو سماعت ہوگی۔ تینوں اراکین اسمبلی کے خلاف مسلم لیگ نے درخواست دائر کی ہے.
