روس کی فیڈرل میڈیکل اینڈ بائیولوجیکل ایجنسی نے اعلان کیا ہے کہ اس کی تیار کردہ انسداد کینسر ویکسین نے طبی آزمائشوں میں نمایاں کامیابی حاصل کر لی ہے اور اب یہ روسی وزارتِ صحت سے استعمال کے لیے منظوری کی منتظر ہے۔
ایجنسی کے مطابق، ویکسین کے مطالعات نے اس کی حفاظت کو ثابت کیا ہے، حتیٰ کہ بار بار استعمال کے باوجود بھی کسی بڑے مضر اثرات کا سامنا نہیں ہوا۔ مزید کہا گیا ہے کہ ویکسین نے ٹیومر کے سائز کو کم کرنے اور ان کی بڑھوتری کو سست کرنے میں 60 سے 80 فیصد تک مؤثر نتائج دیے ہیں۔
ابتدائی طور پر یہ ویکسین کولوریکٹل کینسر کے علاج میں استعمال کی جائے گی۔ اسی دوران، ایجنسی گلیوبلاسٹوما کے خلاف ایک ویکسین کی تیاری کے آخری مراحل میں ہے، جو دماغ کا انتہائی مہلک ٹیومر سمجھا جاتا ہے۔ اس کے علاوہ، میلانوما کی مخصوص اقسام کے علاج کے لیے بھی ویکسین پر کام جاری ہے۔
8.5 ارب ڈالر کے نئے معاہدےپاکستان کی خارجہ پالیسی کی کامیابی ہے ،مسعود خان
موبائل سمز کا ڈیٹا لیک، وزیر داخلہ کا نوٹس، انکوائری ٹیم تشکیل
ٹرائی نیشن سیریز فائنل: پاکستان نے افغانستان کو 142 رنز کا ہدف دیا
لندن میں فلسطین ایکشن کی حمایت پر ریکارڈ گرفتاریاں
