وزیراعلی خیبر پختونخوا میری بہن کے پیچھے پڑے ہوئے ہیں۔ صنم جاوید کا انکشاف،صنم جاوید کے الزامات نے پی ٹی آئی میں خواتین کے حقوق پر سوالات اٹھا دیے
تفصیلات کے مطابق پی ٹی آئی کی سوشل میڈیا ایکٹوسٹ صنم جاوید نے وزیراعلیٰ خیبرپختونخوا علی امین گنڈاپور پر سنگین الزامات عائد کیے ہیں، جس سے پارٹی میں خواتین کے حقوق اور عزت کے حوالے سے نیا تنازعہ جنم لے چکا ہے۔ صنم جاوید نے اپنے ویڈیو پیغام میں کہا کہ گنڈاپور ان کی بہن کے پیچھے پڑے ہوئے ہیں، جس کی وجہ سے ان کی فیملی کو شدید مشکلات کا سامنا ہے اور ان کی بہن کے بچے اسکول جانے سے قاصر ہیں۔
صنم جاوید کا کہنا ہے کہ علی امین گنڈاپور کا رویہ غیر مناسب ہے اور ان میں شرم و حیا کی کمی ہے، جس سے ان کی بہن کی زندگی متاثر ہو رہی ہے۔ ان کے الزامات پی ٹی آئی کے اندر خواتین کے ساتھ عزت اور احترام کے حوالے سے سنگین سوالات اٹھاتے ہیں۔
صنم جاوید پی ٹی آئی کی سوشل میڈیا ایکٹوسٹ ہیں اور بشری بی بی کے قریب سمجھی جاتی ہیں۔ وہ نومئی کے بعد سے پی ٹی آئی کے مختلف مسائل میں سرگرم رہی ہیں اور جیل میں بھی رہیں۔ ان کے الزامات پی ٹی آئی کی داخلی سیاست اور پارٹی کے خواتین کے حوالے سے رویے پر مزید سوالات اٹھا رہے ہیں۔
یہ الزامات پی ٹی آئی کی تاریخ میں خواتین کے ساتھ بدتمیزی کے واقعات کی یاد دلاتے ہیں، جنہیں میڈیا میں کوریج بھی ملی تھی۔ صنم جاوید کے الزامات کے بعد پی ٹی آئی میں شدید تشویش کی لہر دوڑ چکی ہے، اور اس سے پارٹی کے اندر خواتین کے حقوق کی پالیسیوں پر نظرثانی کی ضرورت محسوس ہو رہی ہے۔
