سابق پی ٹی آئی رہنما ، رکن قومی اسمبلی شیر افضل مروت نے صحافی و یوٹیوبر عمران ریاض کے بارے میں تہلکہ خیز انکشافات کیے ہیں
شیر افضل مروت کا اسلام آباد میں میڈیا سے گفتگو کرتے ہوئے کہنا تھا کہ عمران ریاض کو وزیر اعلی کے پی کے نے سرکاری رہائش دے رکھئی تھی جبکہ کئی دفعہ عمران ریاض نے علی امین سے مبینہ طور پر ٹھیکے بھی مانگے اور علی امین نے انکو بتایا کہ عمران ریاض کو سابق ڈی جی آئی ایس آئی جنرل فیض حمید نے چکوال میں مبینہ طور پر 600 ایکڑ زمین بھی دلوائی جہاں انکا فش فارم اور متعدد شاندار عمارتیں بنائی گئی، شیر افضل مروت نے سوال اٹھایاکہ عمران ریاض کے پاس تو موٹر سائیکل تک نہیں تھی آج اربوں روپے ہیں یہ دولت کہاں سے آئی ؟ انہوں نے مزید انکشاف کیا کہ پاکستان تحریک انصاف کے سابقہ دور میں عمران ریاض نے ہر طرف تعلقات بنائے اور خوب دولت اکٹھی کی جبکہ عمران ریاض کی گرفتاری بھی بس نام کی تھی وہ جہاں بھی رہے اپنے خاندان کے ساتھ رہے . شیر افضل کا یہ بھی کہنا تھا کہ عمران ریاض نے مبینہ تصاویر پہلے ہی بنا رکھی تھی جبکہ بیرون ملک وہ حکومتی مدد سے ہی گئے انکا پاسپورٹ مسلسل اوپن ہے جس پر وہ لندن گئے.
واضح رہے کہ عمران ریاض خان بیرون ملک جا چکے ہیں عمران ریاض خیبر پختونخوا میں وزیراعلی ہاوس میں بھی مقیم رہ چکے ہیں تا ہم بعد ازاں انہوں نے علی امین گنڈا پور کے خلاف وی لاگ کیے تو عمران ریاض کو وزیراعلی ہاوس چھوڑنا پڑا ۔ حالیہ صورتحال میں عمران ریاض پر پی ٹی آئی کے کئی رہنما بھی سوال اٹھا رہے ہیں تو کئی رہنما شیر افضل مروت کی حمایت میں نظر آ رہے ہیں شیر افضل مروت کو پی ٹی آئی سے نکالا جا چکا ہے جس پر انہوں نے کھل کر جواب بھی دیا ہے
