سندھ کی 10 رکنی نگران کابینہ نے حلف اٹھا لیا۔
باغی ٹی وی: گورنر ہاؤس میں ہونےوالی حلف برداری کی تقریب میں نگران وزیراعلیٰ سندھ مقبول باقربھی شریک ہوئےگورنر سندھ کامران ٹیسوری نے نگران کابینہ سے حلف لیا،10 رکنی کابینہ میں بریگیڈیئر (ر) حارث نواز، یونس ڈھاگا، مبین جمانی، ڈاکٹر سعد خالد نیاز، ڈاکٹر جنید شاہ، راناحسین، ایشورلال، عمرسومرو، ارشد ولی محمد اور خدا بخش مری شامل ہیں۔
تقریب کے بعد گورنر سندھ کامران ٹیسوری اور نگراں وزیراعلیٰ نے نگراں کابینہ کے اراکین کو مبارکباد دی، تقریب میں چیف سیکرٹری، قائم مقام آئی جی، صوبائی سیکرٹریز اور نگران وزراء کے فیملی ممبران شریک ہوئے۔
نوشہرہ،پی ٹی آئی پارلیمنٹیرینز کا پہلا پاور شو
سندھ کی نگراں کابینہ کے قلمدانوں کا نوٹیفکیشن جاری کردیا گیا، نوٹیفکیشن کے مطابق بریگیڈیئر (ر) حارث نواز کو وزیرداخلہ و جیل خانہ جات مقرر کردیا گیا جبکہ یونس ڈھاگا کو خزانہ، ریونیو اور پی اینڈ ڈی کا قلمدان دے دیا، مبین جمانی کو نگراں وزیر بلدیات، ڈاکٹر سعد خالد نیاز کو صحت و سماجی بہبود کا قلمدان سونپ دیا گیا۔
ڈاکٹرجنید شاہ کو کھیل، ثقافت اور یوتھ افیئر کا وزیر مقرر کردیا گیا جب کہ رعنا حسین کو تعلیم، امور خواتین کی وزیر اور عمر سومرو کو نگراں وزیر قانون مقرر کردیا گیا،ایشور لعل کو وزیر آبپاشی، خدابخش مری کو معدنیات اور معدنی وسائل کا وزیر جبکہ ارشد ولی محمد کو سیاحت اور ماحولیات کا نگراں وزیر مقرر کردیا گیا۔
