علی پور: بچے پر تشدد کی ویڈیو وائرل، ملزم گرفتار

مظفرگڑھ (باغی ٹی وی رپورٹ) بچے پر تشدد کی ویڈیو وائرل، ملزم گرفتار

تفصیل کے مطابق ضلع مظفرگڑھ کی تحصیل علی پورکے تھانہ کندائی کی حدود لنگرواہ میں ایک بچے پر ہونے والے تشدد کی ویڈیو وائرل ہونے پر ڈی پی او مظفرگڑھ سید حسنین حیدر نے فوری نوٹس لیتے ہوئے کارروائی کا حکم دیا۔ ویڈیو کے منظر عام پر آنے کے ایک گھنٹے کے اندر مرکزی ملزم ملازم شاہین اور اس کے ساتھیوں کو گرفتار کر لیا گیا۔ پولیس ترجمان کے مطابق ملزمان کے خلاف سخت کارروائی کی جا رہی ہے۔

ڈی پی او مظفرگڑھ کا کہنا تھا کہ کسی بھی شخص کو قانون ہاتھ میں لینے کی اجازت نہیں دی جائے گی اور غیر انسانی سلوک کسی بھی صورت برداشت نہیں کیا جائے گا۔ متاثرہ بچے کی والدہ کی مدعیت میں واقعے کا مقدمہ درج کر لیا گیا ہے، اور انصاف کے تمام تقاضے پورے کرتے ہوئے ملزمان کو قرار واقعی سزا دلوانے کے لیے ہر ممکن اقدامات کیے جائیں گے۔

یہ خبربھی پڑھیں
علی پور: چوری کا شبہ ، 7 سالہ بچے پر انسانیت سوز تشدد،ویڈیو وائرل

پولیس نے عوام سے اپیل کی ہے کہ وہ قانون کی پاسداری کریں اور کسی بھی ناخوشگوار واقعے کی صورت میں فوری طور پر پولیس کو اطلاع دیں۔