حافظ نعیم الرحمن نے کہاہے کہ جماعت اسلامی شہر بھر میں کراچی کے عوام کی حقوق کی تحریک لے کر چل رہی ہے، ہناری تحریک کا مقصد انتخابات جیتنا نہیں بلکہ شہریوں کے مسائل حل کروانا ہے، حکمران کراچی کو پاکستان کا حصہ نہیں سمجھتے، حکمران کراچی سے صرف مال جمع کرنا جانتے ہیں، بلدیہ ٹاون میں این اے 295 کے ضمنی انتخاب آتے ہی تمام پارٹیوں کا پسندیدہ حلقہ بن گیا، یہ وہی حلقہ ہے جس میں بلدیہ فیکٹری کے مزدوروں کو آگ میں جلادیا گیا، اس وقت کسی نے اس آبادی کو اورسانحہ بلدیہ کے لواحقین کو نہیں پوچھا، آج ضمنی انتخاب آتے ہی تمام پارٹیوں کو بلدیہ ٹاون یاد آگیا۔ بلدیہ ٹاون میں ٹینکر مافیا کا راج یے، حکومتی عہدیداروں کی ملی بھگت سے ہی بلدیہ کے عوام کو پینے کا صاف پانی فراہم نہیں کیا جارہا، بلدیہ کے عوام جان لیں کہ یہ وہی لوگ ہیں جنہوں بلدیہ سمیت کراچی کے تمام شہریوں کو یرغمال بنایا ہوا ہے، یہ وہ حکمران ہیں جنہوں نے کراچی کی مردم شماری کو درست نہیں کیا، انہوں نے کراچی کے شہریو ں جائز اور قانونی حقوق سلب کیے، ان حکمرانوں نےمشترکہ مفادات کونسل میں کراچی کے عوام کی نمائندگی نہیں کی، کراچی کی جعلی مردم شماری کے نتیجے میں کراچی کے حقوق غصب کیے گئے ہیں۔ ہمارا مطالبہ یے کہ فوری طور پر درست مردم شماری کروائی جائے اور کراچی میں شفاف بلدیاتی انتخابات کروائیں جائیں۔کارکنان گلی گلی جاکر نوجوانوں کو منظم کرکے مثبت سرگرمیاں دیں اور جماعت اسلامی کی حقوق کراچی تحریک میں شامل ہیں۔بلدیہ ٹاون کے عوام جان لیں کہ 29 اپریل کے بعد جماعت اسلامی کے سوا کوئی پارٹی بلدیہ ٹاون میں نہیں آئی گی جماعت اسلامی رمضان المبارک میں بھی کراچی کے عوام کے حقوق کی جدوجہد جاری رکھے گی۔ فضل احد حنیف نے کہا ہے کہ حق دو کراچی تحریک کی کڑی حق دو بلدیہ کو کی تحریک ہے، بلدیہ ٹاون قدیم بستی ہے جسے بنیادی ضروریات سے محروم ہے، پینے کا صاف پانی موجود نہیں ہے، ٹینکر مافیا سرگرم ہیں، بلدیہ ٹاون میں نعمت اللہ خان نے ماڈل پارک بنایا جس پر آج بلڈنگ بنادی گئی یے کوئی پوچھنے والا نہیں ہے، بلدیہ ٹاون کے بچوں کی تعلیم کے لیے کوئی سہولت نہیں ہے، کالجز اور یونیورسٹیز کی کوئی پوائنٹ بس بھی نہیں آتی، بلدیہ ٹاون میں غیر اعلانیہ لوڈ شیڈنگ کا سلسلہ شروع ہوگیا ہے جس کے خلاف کوئی اقدامات نہیں کیے جارہے ہیں۔ بلدیہ ٹاون کو پہلے بھی جماعت اسلامی نے تعمیر کیا تھا اور مستقبل میں بھی جماعت اسلامی ہی تعمیر کرے گی۔
آج ضمنی انتخاب آتے ہی تمام پارٹیوں کو بلدیہ ٹاون یاد آگیا, حافظ نعیم الرحمن
Shares:
