آفاق کی جانب سے مردان میں سیرت النبی ایجوکیشنل ایکسپو کا انعقاد

مردان (نمائندہ باغی ٹی وی)آفاق ایسوسی ایشن فار اکیڈیمک کوالٹی کی جانب سے طورو شادی حال میں سیرت نبی ﷺ کے موضوع پرتقریری مقابلوں کی تقریب منعقدہوئی جسمیں ضلعی پولیس سربراہ سجاد خان اور ڈاکٹر طاہر جاوید چئیرمین مردان بورڈ نے بطور مہمان خصوصی شرکت کی۔اس موقع پر ڈی پی او اور مہمانان نے سکول کے اساتذہ کرام،مقررین اور طلباء سے خطاب کرتے ہوئے کہا کہ ہمیں نبی کریم حضرت محمد ﷺ کی اُصولوں کومشعل راہ بناکر اپنے اخلاق وکردار کو سنت نبوی کے عین مطابق بنانا چاہئے تاکہ ہم ایک کامل مسلمان بن کر اپنے معاشرے کو سود،منشیات اور دیگر سماجی و معاشرتی جرائم سے پاک کرنےمیں اپناکرداراداکریں اور اپنے آنے والی نسلوں کو خوشگوارماحول فراہم کر سکیں۔آخر میں آفاق کے سربراہ احمد یارخان نے ڈی پی او سجاد خان کو ان کی قابل قدر خدمات کے اعتراف میں شیلڈ پیش کیا۔