لکھنؤ : افغانستان نےنیدرلینڈز کو 7وکٹوں سے شکست دیدی۔
باغی ٹی وی: لکھنؤ میں کھیلے گئے میچ میں نیدرلینڈز کے کپتان اسکاٹ ایڈورڈز نے ٹاس جیت کر پہلے بیٹنگ کا فیصلہ کیا، 180رنز کا ہدف افغانستان نے 31.3اوورز میں 3وکٹوں پر حاصل کر لیا،حشمت اللہ شاہدی56 اوررحمت شاہ52رنز بنا کر نمایاں رہے،عظمت اللہ عمرزئی31، ابراہیم زدران 20 اوررحمان اللہ گرباز نے 10رنز بنائے،رولوف وان ڈر مروے اور ثاقب ذوالفقار نے ایک ایک وکٹ حاصل کی۔
اس سے قبل نیدرلینڈز نے بیٹنگ کرتے ہوئے افغانستان کو جیت کیلئے 180رنز کاہدف دیا،سائبرانڈ اینجلبریچٹ58رنز بنا کر نمایاں رہے،میکس اوڈوڈ 42، کولن ایکرمین 29 اوررولوف وان ڈر مروے 11 رنز بنا کر آوٹ ہوئے۔
ورلڈ کپ،نیدر لینڈ کاافغانستان کو جیت کیلئے 180 رنز کا ہدف
آریان دت10،باس ڈی لیڈ اور ثاقب ذوالفقار 3،3رنز بنا کر پویلین لوٹ گئے،افغانستان کے محمد نبی نے3وکٹیں حاصل کیں۔نور احمد نے2اور مجیب الرحمان نے ایک وکٹ حاصل کی،یہ افغانستان کی ورلڈ کپ میں مسلسل تیسری کامیابی ہے ، پوائنٹس ٹیبل پر نیوزی لینڈ، آسٹریلیا اور افغانستان کے 8، 8 پوائنٹس ہو چکے ہیں۔
پوائنٹس ٹیبل پر بھارت 14 پوائنٹس کے ساتھ پہلے ہی سیمی فائنل کے لیے کوالیفائی کرچکا ہے۔ جنوبی افریقا 12 پوائنٹس کے ساتھ دوسرے، آسٹریلیا اور نیوزی لینڈ 8 پوائنٹس کے ساتھ تیسرے اور چوتھے نمبر پر موجود ہیں افغانستان 7 میچز میں 4 میں کامیابی کے بعد 8 پوائنٹس کے ساتھ پانچویں نمبر پر ہے جبکہ پاکستان کا چھٹا نمبر ہے۔
