اگر یہ کام ہوا تو اس کے ذمہ دار عمران خان ہوں گے، عظمیٰ بخاری

اگر یہ کام ہوا تو اس کے ذمہ دار عمران خان ہوں گے، عظمیٰ بخاری

باغی ٹی وی کی رپورٹ کے مطابق مسلم لیگ (ن) پنجاب کی ترجمان عظمیٰ بخاری نے کہا ہے کہ حکومت کے کرونا کےخلاف جنگ کے دعوے زبانی جمع خرچ ہیں

عظمیٰ بخاری کا کہنا تھا کہ پنجاب میں روزانہ ایک ہزار سے زائد کرونا کیسز رپورٹ ہورہے ہیں،لاک ڈاؤن پلان بری طرح فیل ہوگیا ہے ،
حکومتی رٹ ختم،عوام ان کی سننے کو تیار نہیں ،اچانک لاک ڈاؤن کھولا اور اچانک ہزاروں لوگ باہر نکل آئے ،اگر کرونا بڑھا تو اس کے ذمہ دار عمران خان ہونگے،حکومت اصل میں اپوزیشن کےخلاف جنگ کرنے میں مصروف ہیں

عظمیٰ بخاری کا مزید کہنا تھا کہ شہبازشریف جب لندن تھے تو حکومتی ترجمان روز کہتے تھے شہبازشریف پاکستان واپس آئیں،شہبازشریف جب واپس آئیں ہیں تو حکومت کو خطرہ لاحق ہو گیا ہے ،حکومت کو خوف ہے اگر شہبازشریف گھر سے باہر نکل آئے تو چار سیٹوں پر کھڑی بوسیدہ حکومتی عمارت گر سکتی ہے ،اپوزیشن بوسیدہ حکومت عمارت کو گرانے کی صلاحیت رکھتی ہے،اناڑیوں اور کھلنڈروں نے ملک کو ناقابل تلافی نقصان پہنچادیا ہے.

عظمیٰ بخاری کا مزید کہنا تھا کہ ایک اناڑی نے ملکی معیشت کا حال بھی پشاور میٹروں کے کھڈوں جیسا کردیا ہے،قوم اس جعلی تبدیلی کے ناکام پلان سے تنگ آچکی ہے،عوام کے ووٹوں سے اقتدار میں آنے والے عوام کے خیر خواہ ہوتے ہیں.چور دروازے سے اقتدار میں آ نے والے اپنی عوام کے دشمن ہوتے ہیں: