میرپور ، جری کس اور جاتلاں کے علاقوں میں فضائی جائزہ مکمل کر لیا گیا ہے،
باغی ٹی وی کی رپورٹ کے مطابق زلزلے سے نقصانات کا فضائی جائزہ لیا گیا ہے، آئی ایس پی آر کی جانب سے بتایا گیا ہے کہ پاک فوج کےدستے زلزلے سے متاثرہ علاقوں میں پہنچ گئے ہیں، پاک فوج کے دستے میرپور، جاتلاں اور جری کس پہنچے ہیں، قبل ازیں پاکستانی آرمی چیف جنرل قمر جاوید باجوہ نے پاک فوج کو متاثرہ علاقوں میں فوری ریسکیو آپریشن کی ہدایت کی تھی،
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے فوری طور پر میرپور آزاد کشمیر میں سول انتظامیہ کی مدد کیلئے ریسکیو آپریشن کی ہدایت کی، آئی ایس پی آر کے مطابق آرمی چیف کی ہدایت کی روشنی میں فوج کے جوانوں، میڈیکل ٹیموں کو حادثے کی جگہوں پر روانہ کیا گیا جبکہ فضائی مدد کی بھی ہدایت جاری کی گئی،
