بلاول بھٹو کو پنجاب میں لیول پلئینگ فیلڈ نہ ملا تو مشکلات ہوں گی،چوہدری سرور

سابق گورنر پنجاب چوہدری سرور نے کہا ہے کہ انتظامیہ اور الیکشن کمیشن سے درخواست ہے کہ بلاول بھٹو انٹرنیشنل لیڈر ہیں، پوری دنیا کے آبزرور پاکستان آ رہے ہیں، اگر بلاول بھٹو کو پنجاب میں لیول پلئینگ فیلڈ نہ ملا تو مشکلات ہوں گی،

سابق گورنر پنجاب چودھری سرور نے پریس کانفرنس کی اس موقع پر نچارج الیکشن کمپین این اے 127 ذوالفقار علی بدر، پیپلز پارٹی لاہور کے صدر چودھری اسلم گل، میاں مصباح الرحمن، فائزہ ملک، چودھری محمد ریاض موجود تھے، چوہدری سرور کا کہنا تھا کہ ہم کسی کے لاڈلے نہیں بننا چاہتے بس الیکشن چاہتے ہیں، دیکھ رہا ہوں لاہور کے لوگ اس حلقے سے بلاول کو جتوانا چاہتے ہیں، جس طرح بینظیر بھٹو کو لاہور سے جتوایا گیا بلاول جیتیں گے اور لاہور سے وزیر اعظم بنیں گے ،اپیل ہے کہ کل کے جلسے میں آئیں اور بلاول بھٹو کو سنیں انہیں وزیر اعظم بنوائیں، لیول پلئینگ فیلڈ پنجاب حکومت اور الیکشن کمیشن نے دینا ہے ،میں مسلم لیگ ق کا چیف آرگنائزر ہوں اور فیصلہ کیا ہے کہ جہاں ق کا امیدوار نہیں وہاں جس کو چاہوں سپورٹ کریں ،پیپلز پارٹی سے ذاتی تعلقات ہیں اس لیے انہیں سپورٹ کر رہا ، ابھی تک ن لیگ میں کسی کو سپورٹ نہیں کر رہا ،میرا کوئی ذاتی مفاد نہیں بلاول بھٹو کو ایک کاز سمجھ کر سپورٹ کر رہا ہوں ،

چوہدری سرورکا کہنا تھا کہ بلاول بھٹو وزیر اعظم کے بہترین امیدوار ہیں، چوہدری شجاعت حسین کی بہت عزت کرتا ہوں،آصف زرداری صاحب چوہدری شجاعت کی مجھ سے بھی زیادہ عزت کرتے ہیں ، ابھی بلاول بھٹو کو کامیاب کروانے کا مشن ہے، 8 فروری کو ہم این اے 127 سے ان شاءاللہ بلاول بھٹو زرداری کو جتائیں گے ۔

قوم کو بتایا جائے شہیدوں کے خون کاسودا کس نے کیا،بلاول

آج بھی کچھ قوتیں نہیں چاہتیں ذوالفقار بھٹو کو انصاف ملے،بلاول

جو شخص تین بار فیل ہوا وہ چوتھی بار کیا تیر مارے کا ،بلاول بھٹو کا نواز شریف پر وار

ہمارا مقابلہ سیاستدانوں سے نہیں بلکہ مہنگائی بھوک اور بے روزگاری سے ہیں،بلاول بھٹو

ن لیگ بلاول بھٹو زرداری کے لاہور این اے 127 سے خوف زدہ ہے