لاہور:اخوت اس کو کہتے ہیں : ایمراوالے اپنے وفات پا جانے والے ورکروں کے گھروں تک راشن پہنچانے لگے،باغی ٹی وی کےمطابق الیکٹرانک میڈیا رپورٹرز ایسوسی ایشن ایمرا باڈی نے لاہور فوٹو گرافر ایسوسی ایشن کے عہداروں سے ملاقات کی اور وفات پانے والے فوٹوگرافرز کی فیملیز اور بے روز گار فوٹوگرافرز کی کفالت کے لئے راشن کا اہتمام کیا گیا
باغی ٹی وی کے مطابق ایمرا باڈی کی جانب سے یہ راشن فوٹو گرافر ایسوسی ایشن کے حوالے کر دیا گیا اس موقع پر فوٹوگرافر ایسوسی ایشن کے سیکرٹری عمر شریف اور نائب صدر محمد امجد نے ایمرا کے صدر محمد آصف بٹ اور ایمرا باڈی کا شکریہ ادا کیا ہے اور ایمرا کے صحافیوں کے لئے فلاحی کاموں کو سراہا گیا ہے
یاد رہے کہ ایمراباڈی لاہورکے صحافی ورکروں کے دکھ درد میںشریک ہے ، جہاں ایک طرف میڈیا مالکان کی طرف سے ورکروں کو بےروزگارکیا گیا اوران کی تنخواہیں بھی نہیں دے رہے ان حالات میں ایمرا نے ایسے کئی خاندانوں کے دکھ درد بانٹنے کی بھرپورکوشش کی
ایمرا باڈی میڈیا ورکروں کے ان خاندانوں کے بچوں کی کفالت بھی کرتی ہے جن کے سربراہ خانہ دوران ڈیوٹی وفات پاچکے ہیں، ان کے بچوں کے تعلیمی اخراجات اوران کے گھروں کے چولہے جلانے تک کا مشن سرانجام دیتے ہیں
