قومی کرکٹ ٹیم کے فاسٹ بولر حسن علی کا انگلش کاؤنٹی لنکا شائر کے ساتھ معاہدہ ہو گیا، وہ یکم اپریل کو انگلش کلب کو جوائن کریں گے۔
باغی ٹی وی : تفصیلات کے مطابق قومی کر کٹرحسن علی آئندہ سیزن میں لنکا شائر کی نمائندگی کریں گے فاسٹ بولر لنکا شائر کی طرف سے سمر کاؤنٹی چیمپئن شپ کے 6 میچوں میں حصہ لیں گے۔
پاکستان کے کھلاڑی بہترین،ٹیم کو ہرانے کیلئے بہترین کرکٹ کھیلنی پڑے گی،اسٹیو سمتھ
فاسٹ بولرحسن علی نے اپنا پہلا میچ کینٹ کاؤنٹی کیخلاف 14 اپریل کو کھیلیں گے قومی کرکٹر کا کہنا ہے کہ وہ انگلش کاؤنٹی کا حصہ بننے پر خوش ہیں۔
انہوں نے کہا کہ اولڈ ٹریفرڈ گراؤنڈ کے ساتھ میری بڑی یادیں وابستہ ہیں اسی اسٹیڈیم میں میرا ٹی ٹوئنٹی کا ڈبیو ہوا لیجنڈ وسیم اکرم بھی اس کلب کا حصہ رہے ہیں۔
واضح رہے کہ گزشتہ ماہ پاکستانی فاسٹ بولر جنید خان نے انگلش کاؤنٹی لنکا شائر سے معاہدہ ہوا تھا وہ نیٹ ویسٹ ٹی ٹوئنٹی بلاسٹرمیں حصہ لیں گے انگلش کاؤنٹی لنکا شائر نے تیسری بار پاکستانی فاسٹ بولر جنید خان سے معاہدہ کیا ہے وہ اس سے پہلے 2011اور 2014میں بھی لنکا شائرکی نمائندگی کرچکے ہیں۔
پاک آسٹریلیا ٹیسٹ میچ ،سیکیورٹی کے پیش نظر ٹریفک ایڈوائزری جاری
2011 ءمیں جنید خان نے7 میچوں میں 12 جبکہ 2014 ءمیں 10 میچوں میں 17 وکٹیں لے کر اپنی ٹیم کو دونوں مواقعوں پر فائنلز تک رسائی دلائی تھی اور اب کاؤنٹی نے 2017ءکی ٹی ٹوئٹی چیمپئن شپ کے لیے بھی پاکستانی بولر سے معاہدہ کیا ہے۔
لنکا شائر سے معاہدے پر جنید خان نے خوشی کا اظہار کرتے ہوئے کہا کہ پہلے بھی کاؤنٹی کرکٹ میں بہت کچھ سیکھا اور اب بھی شاندار پرفارمنس کے لیے پر امید ہیں 22 ٹیسٹ، 56 ون ڈے اور 9 ٹی20 میچوں میں پاکستان کی نمائندگی کا اعزاز رکھنے والے جنید نے 2015 ءمیں مڈل سیکس کی نمائندگی کی تھی اوراس بار وہ مکمل سیزن کیلئے لنکا شائر کو دستیاب ہوں گے۔
جنید خان کا کہنا تھا کہ انگلش کاؤنٹی کھیل کر ہمیشہ ان کے کھیل میں نکھار آیا ہے ، وہا ں کھیلنے کا تجربہ ان کیلئے بہت مفید ہوتا ہے ۔
