بھارتی فوج کی طرف سے کنٹرول لائن پر بلااشتعال فائرنگ کے نتیجہ میں ایک خاتون کی شہادت اور چھ افراد کے زخمی ہونے پر پاکستان کی طرف سے انڈیا کے ڈپٹی ہائی کمشنر کو دفتر خارجہ طلب کرکے شدید احتجاج کیا گیا ہے،
باغی ٹی وی کی رپورٹ کے مطابق ہندوستانی ڈپٹی ہائی کمشنر کو ڈی جی ساؤتھ ایشیا و سارک ڈاکٹر محمد فیصل نے طلب کیا اور ہندوستانی ڈپٹی ہائی کمشنر کو احتجاجی مراسلہ تھماتے ہوئے سخت احتجاج کیا گیا، ترجمان دفتر خارجہ نے بتایا کہ بھارتی فوج کی مسلسل فائرنگ کے نتیجہ میں فاطمہ نامی ایک خاتون شہید ہوئی ہے جس کی عمر چالیس سال بتائی جاتی ہے، مذکورہ خاتون کا تعلق بالا کوٹ سے تھا،
ڈاکٹر محمد فیصل کا کہنا تھا کہ بھارتی فوج مسلسل لائن آف کنٹرول پر فائرنگ کر کے عام شہریوں کو نشانہ بنا رہی ہے جو کہ دونوں ممالک کے درمیان سیز فائر معاہدے کی خلاف ورزی ہے،