بھارتی ہیلی کاپٹر گر کر تباہ، کتنے افسر اور اہلکار ہلاک و زخمی ہوئے؟ بڑی خبر

مقبوضہ کشمیر کے پونچھ علاقہ میں بھارتی فوجی ہیلی کاپٹر گر کر تباہ ہو گیا ہے،

باغی ٹی وی کی رپورٹ کے مطابق تباہ ہونے والے ہندوستانی فوجی ہیلی کاپٹر میں 9 افراد کے علاوہ بھارتی فوج کے ساوتھرن آرمی کمانڈر لیفٹیننٹ جنرل رنبیرسنگھ بھی سوار تھے، بھارتی میڈیا نے دعویٰ کیا ہے کہ اس حادثہ میں بھارتی فوجی جنرل سمیت سات افراد زخمی ہوئے ہیں تاہم ہیلی کاپٹر تباہ ہونے پر ہلاکتوں‌ کا خدشہ ظاہر کیا جارہا ہے، بھارتی میڈیا کا کہنا ہے کہ یہ ہیلی کاپٹر تکنیکی خرابی کی وجہ سے کریش ہوا ہے، واضح رہے کہ رواں سال فروری اور مارچ کے دوران بھارتی ہیلی کپٹرز کے علاوہ فضائیہ کے مجموعی طور پر 10 جنگی طیارے تباہ ہوچکے ہیں جن میں سے دو کو پاکستانی فضائیہ نے مار گرایا تھا، میڈیا رپورٹس میں یہ بھی بتایا گیا ہے کہ اربوں روپے مالیت کے طیاروں میں سے چار فنی خرابیوں کے باعث اور دو آپس میں ہی ٹکرانے سے تباہ ہوئے تھے،

آئے دن بھارتی طیاروں کی تباہی پر اپوزیشن جماعتوں کی طرف سے مودی حکومت پر سخت تنقید کی جارہی ہے،