نگران وزیر داخلہ سرفراز بگٹی نے چینی اور کھاد کی اسمگلنگ روکنے کے لئے جوائنٹ چیک پوسٹس اورجوائنٹ پٹرولنگ پر عملدرآمد کو مکمل طور پر فعال بنانے کا حکم دے دیا ہے جبکہ وزیر اعظم انوار الحق کاکڑ کی ہدایت پر نگران وزیر داخلہ سرفراز احمد بگٹی کی زیر صدارت چینی اور کھاد کی اسمگلنگ کی روک تھام کے حوالے سے اجلاس ہوا ہے.
جبکہ اجلاس میں سرفراز بگٹی نے کہا ہے کہ چینی اورکھاد سمیت اشیائے ضروریہ کی ملک سے باہر اسمگلنگ ہماری معیشت پر اضافی بوجھ ڈال رہی ہے ، اسمگلنگ کی وجہ سے قیمتوں میں اضافہ عوام کی مشکلات کو بھی بڑھا رہاہے لہذا اس کی روک تھام کیلئے اقدامات جاری ہیں اور مزید بھی کیئے جائیں گے.
مزید یہ بھی پڑھیں؛
توشہ خانہ فیصلہ؛ اپیل واپسی کی درخواست سماعت کیلئے مقرر
چیئرمین سینیٹ سے نگران وفاقی وزیر توانائی کی ملاقات
اوپن مارکیٹ میں ڈالر 325 روپے کی تاریخی سطح پر پہنچ گیا
ہمیشہ ووٹ کے لئے نہیں عوام کی خدمت کے لئے کام کیا،جہانگیر ترین
نوکری کا جھانسہ،تین الگ الگ واقعات میں خواتین عزتیں گنوا بیٹھیں
علاوہ ازیں انہوں نے کہا کہ چینی اور یوریا سمیت اشیائے ضروریہ کی سرحد پار اسمگلنگ کسی صورت برداشت نہیں کریں گے ، جو لوگ اس غیرقانونی کام سے منسلک ہیں اور اس میں سہولت کار ہیں ان کے خلاف سب سے پہلے کارروائی عمل میں لانا ہو گی ، وفاقی اداروں اور صوبائی حکومت کو اس ضمن میں مل کر کام کرنا ہوگا ۔ وفاق اور صوبے مل کر اس بدنما دھبے اور کا سدباب کریں گے جبکہ سرفراز احمد بگٹی نے یہ بھی ہدایت کیًں کہ خیبرپختونخوا اور بلوچستان حکومتیں اسمگلنگ کے سدباب کے حوالے سے ہفتہ وار رپورٹ جمع کرائیں جو وزیراعظم کو پیش کی جائے گی۔
