سکینڈلز میں گھری رہنے ولیااداکارہ کنگنا رناوت جو کہ اب ڈائریکٹر بھی بن چکی ہیں انہوں نے اپنا تجربہ شئیر کرتے ہوئے حال ہی میں ایک انسٹاگرام سٹوری شئیر کی ہے جس میں انہوں نے لکھا ہے کہ ایک ڈائریکٹر کو روزانہ پانچ پانچ سو سوالات کا سامنا کرنا پڑتا ہے جو کہ آسان کام نہیں ہوتا اور یہ سب ڈائریکٹر کو بہت آرام سکون سے برداشت کرنا پڑتا ہے. انہوں نے کہا کہ ایک فلمی ہدایت کار کو روزانہ تمام ڈیپارٹمنٹ کیمرہ، آرٹ، اداکار، پروڈکشن، میک اپ اور ڈائریکشن کے مختلف سوالات کا سامنا کرنا پڑتا ہے۔یاد رہے کہ کنگنا رناوت اپنی اگلی فلم ایمرجینسی میں نظر آئیں گی اور اسی کی انہوں نے ہدایتکاری کی ہے، اس میں وہ بھارت کی سابقہ وزیراعظم اندرا گاندھی کا کردار ادا کررہی ہیں۔کنگنا اس
حوالے سے کہتی ہیں کہ میں نے یہ کردار چیلنج سمجھ کر کیا ہے ، اور اندرا گاندھی کا کردار کرنا آسان نہ تھا لیکن میں نے پوری جان لگا کر یہ کردار کیا ہے. میں نے ہمیشہ کوشش کی ہے کہ کرداروں میں حقیقت کے رنگ بھروں اس میں کتنی کامیابی حاصل ہوتی ہے اسکا فیصلہ تو شائقین خود کر سکتے ہیں.
