موٹاپا بلڈ پریشر سانس دل کے امراض ۔فالج کینسر کا باعث، سیکرٹری پناہ

راولپنڈی: پاکستان نیشنل ہارٹ ایسوسی ایشن” پناہ” کے زیر اہتمام نجی ہوٹل میں سیمینار منعقد ہوا جس میں فاسٹ و ہائی جینک فوڈ شوگری ڈرنکس موٹاپے کے بنیادی اجزاء قرار دیے گئے۔
سیکرٹری پناہ ثناء اللہ گھمن کا کہنا ہے کہ موٹاپا خود بیماریوں کی جڑ اور دل کے امراض کے لئے انتہائی خطرناک ہے۔ پاکستان نیشنل ہارٹ ایسوسی ایشن پناہ نے حالیہ سروے رپورٹ جاری کردی ہے۔موٹاپا بلڈ پریشر سانس دل کے امراض ۔فالج کینسر کا باعث ہے۔ ڈبلیو ایچ او کی رپورٹ کے مطابق 68 فیصد اموات کی وجہ شوگری ڈرنکس اور موٹاپے سے پیدا امراض ہے۔ اسلام آباد میں حالیہ سروے میں 80 فیصد لوگوں نے تشویش کا اظہار کیا ہے، 72 فیصد لوگ موٹاپے کی وجہ سے پر یشان ہیں،
حکومت کو اس معاملہ پر سنجیدگی اختیار کرنی ہوگی،
کلوگوز کی اضافی مقدار کی وجہ سے بینائی اور دماغی امراض کا باعث ہے، شوگری ڈرنکس کے استعمال سے دل کی شریانیں سکڑنے سے ہارٹ اٹیک ہوتا ہے، شوگری ڈرنکس کے روزانہ استعمال سے بھی دل کے دورے کا امکان بڑھ جاتا ہے. اسکول کے 46 فیصد بچے روزانہ شوگری ڈرنکس استعمال کرتے ہیں ۔ڈبلیو ایچ او کی تجویز ہے کہ شوگری ڈرنکس سگریٹ اور دیگر اشیاء پر ٹیکس کی شرح بڑھا دی جائے۔ میکسیکو نے شوگری ڈرنکس ٹیکس میں دس فیصد اضافہ کرکے استعمال میں کمی کی.