پاکستان شوبز انڈسٹری کے معروف اداکار عثمان خالد بٹ اور اداکارہ اشنا شاہ نے سوشل میڈیا پر امریکی سیاہ فام شہریوں کے حق میں آواز بلند کرتے ہوئے پیغامات جاری کئے ہیں
باغی ٹی وی : سماجی رابطے کی ویب سائٹ ٹویٹر پر اداکارہ اشنا شاہ نے اپنا پیغام جاری کرتے ہوئے ٹویٹ میں لکھا کہ ایک لمحے کے لیے سوچیے کہ اگر ہمارے ملک میں اِس طرح اقلیتوں کے ساتھ ہو رہا ہوتا جیسے آج امریکا میں سیاہ فام لوگوں کے ساتھ ہو رہا ہے تو کیا ہمیں اقلیتی برادری کا ساتھ دینے کے لیے سڑکوں پر نکلنے کی اجازت دی جاتی؟
Imagine if we were allowed to be this enraged for the minorities of our country. We can’t even take to the streets for them.. forget the establishment, our own fundos will label it heresy/blasphemy & execute us. #blacklivesmatter #pakistaniminorities
— Ushna Shah (@ushnashah) June 1, 2020
انہوں نے کہا کہ ہم کبھی بھی اقلیتی برادری کا ساتھ دینے کے لیے سڑکوں پر نہیں نکلتے اگر ہم نکل بھی جاتے تو ہمارے اپنے ہی لوگ ہم پر توہین مذہب یا بدعت کا الزام لگا دیتے اور ہمیں پھانسی دے دیتے۔
اُنہوں نے اپنے ٹوئٹ میں blacklivesmatter #pakistaniminorities# بھی استعمال کیے۔
Watching videos of police brutality across America, and the way its people still stand defiant in the face of racism, sets an example for us all.https://t.co/1YzDjWiF16
— Osman Khalid Butt 🇵🇸 (@aClockworkObi) June 2, 2020
دوسری جانب اداکار عثمان خالد بٹ نے ٹویٹر پر جاری اپنے پیغام میں لکھا کہ امریکی پولیس اہلکار کے تشدد سے ہلاک ہونے والے امریکی سیاہ فام شہری کی ویڈیو پورے امریکا میں دیکھی جارہی ہے اور جس طرح امریکا میں لوگ اس نسل پرستی کے خلاف سڑکوں پر نکلے ہوئے ہیں یہ ہم سب کے لیے اقلیتوں کے حق میں آواز اُٹھانے کے لیے ایک بہترین مثال ہے
واضح رہے کہ 25 مئی کو منیسوٹا میں ایک امریکی پولیس اہلکار کے تشدد سے سیاہ فام امریکی شہری ہلاک ہوگیا تھا اور اس واقعے کی ویڈیو سوشل میڈیا پر وائرل ہونے کے بعد سے امریکا میں سیاہ فام امریکی شہریوں کی جانب سے مظاہرے کئے جارہے ہیں۔
