پاکستان کے کس بڑے سیاستدان کو ایشین فٹبال کنفیڈریشن کا چیئرپرسن لیگل کمیٹی مقرر کر دیا گیا؟ اہم خبر

پاکستان کے ایک سینئر سیاستدان کو ایشین فٹبال کنفیڈریشن کا چیئرپرسن لیگل کمیٹی مقرر کر دیا گیا ہے.

باغی ٹی وی کی رپورٹ کے مطابق فیصل صالح حیات کو2023 تک ذمے داریاں سوپنی گئی ہیں ، ایشین فٹ بال فیڈریشن کی جانب سے کہا گیا ہے کہ امید ہے فیصل صالح حیات کے تجربے سے فائدہ ہوگا ،پاکستان فٹبال فیڈریشن کے معاملات فیفا کی نارملائزیشن کمیٹی کے پاس ہیں،

فیصل صالح حیات ایشین فٹبال کنفیڈریشن کے نائب صدر بھی ہیں، واضح رہے کہ کچھ عرصہ قبل مخدوم سید فیصل صالح حیات ایشین فٹبال کلب کنفیڈریشن کے بلا مقابلہ نائب صدر منتخب ہوئے تھے. کوالالمپور میں ہونے والے اجلاس میں رسمی کارروائی پوری ہونے کے بعد ان کی کامیابی کا نوٹیفکیشن جاری کیا گیا تھا، وہ 4 سال تک اس عہدہ پر فائز رہیں گے، ایشین فٹبال کلب کنفیڈریشن کی تاریخ میں پہلی بار کسی پاکستانی کو یہ عہدہ ملا ہے،

فیصل صالح‌ حیات کا کہنا ہے کہ ایشیا میں فٹبال کے فروغ کے لیے اپنا تجربہ بروئے کار لاؤں گا، پاکستان فٹبال کی بہتری کیلیے بھی ہر ممکن کردار ادا کروں گا،