اداکار پربھاس کی فلم کو منفی تبصرے،24 سالہ مداح نے خودکشی کر لی

ممبئی: معروف بھارتی اداکار پربھاس کے ایک پرستار نے صرف اس لیے خودکشی کرلی کہ اس کے پسندیدہ ہیرو کی نئی فلم ’’رادھے شیام‘‘ کو منفی ریویوز ملے یہ واقعہ آندھرا پردیش کے کرنول ضلع کے مضافاتی علاقے تلک نگر میں پیش آیا ہے۔

باغی ٹی وی : بھارتی میڈیا کے مطابق بھارت کی تیلگو انڈسٹری کے معروف اداکار پربھاس کی حال ہی میں فلم ’’رادھے شیام‘‘ ریلیز ہوئی ہے اداکار پربھاس کے ایک مداح 24 سالہ روی تیجا نے جب فلم ’’رادھے شیام‘‘ دیکھی تو اسے مایوسی ہوئی-

’’باہو بلی‘‘ کے بعد 5000 سے زائد شادی کے پیغامات موصول ہوئے، اداکارپربھاس کا…

تاہم جب فلم کو تجزیہ نگاروں اور شائقین کی جانب سے منفی ریویوز ملنے کے بعد اس نے دلبرداشتہ ہوکر اپنی جان لینے کا فیصلہ کیا-

اطلاعات کے مطابق روی تیجا نے اپنے فیصلے کے بارے میں اپنی ماں کو بتایا کیونکہ اسے لگا کہ یہ فلم اس کی توقعات پر پوری نہیں اتری پولیس نے مقدمہ درج کرکے تحقیقات شروع کردی ہیں۔

دوسری جانب اداکار پربھاس نے فی الحال مداح کی خودکشی کے معاملے پر کوئی بیان جاری نہیں کیا ہے۔

جب بھی زندگی میں مسائل کا سامنا ہوتا ہے تو میں اللہ سے رجوع کرلیتی ہوں،سارہ لورین

واضح رہے کہ فلم ’’رادھے شیام‘‘ کو مکمل ہونے میں تین سال کا عرصہ لگا اس فلم میں اداکار پربھاس کے مدمقابل اداکارہ پوجا ہیج نے مرکزی کردار ادا کیا ہے فلم 11 مارچ کو ریلیز کی گئی تھی اور اسے ہندو اور تیلگو دوزبانوں میں نمائش کے لیے پیش کیا گیا تھا۔

یاد رہے کہ قبل ازیں اداکار پربھاس نے فلم ’’رادھے شیام‘‘ کی تشہیر کے سلسلے میں دئیے گئے انٹرویو میں اپنی شادی کی منصوبہ بندی کے بارے میں بات کرتے ہوئے انکشاف کیا تھا کہ فلم ’’باہو بلی‘‘ کے بعد انہیں 5000 سے زائد شادی کے پیغامات موصول ہوئے تھے-

پنجاب الیکش: نوجوت سنگھ سدھو کو شکست، ارچنا پورن کی نشست خطرے میں پڑگئی، سوشل…

اداکار پربھاس نے کہا تھا کہ شادی کی وہ تمام درخواستیں میری لیے بڑی الجھن بن گئیں میں شادی ضرور کروں گا لیکن معلوم نہیں کب اداکار نے مزید کہا تھا کہ وہ محبت کی شادی کرنے کا ارادہ رکھتے ہیں اور وہ صحیح وقت آنے پر شادی کرلیں گے۔

بنگالی فلموں کی مقبول اداکارہ جیب تراشی کے الزام میں گرفتار