قصور: پولیس اور ڈاکوؤں کا تصادم مقابلے میں دو ڈاکو ہلاک

قصور پتوکی :چونیاں پولیس مقابلہ میں 2 ڈاکو مارے گئے-

باغی ٹی وی :ترجمان قصور پولیس کے مطابق چونیاں تھانہ سٹی کی حدود گاؤں ڈھوس کے قریب مبینہ پولیس مقابلہ ہوا جس کے دوران پولیس مقابلہ 2 ڈاکو اشفاق اور غلام رسول ہلاک ہو گئے-

دونوں ڈاکو شہید کانسٹیبل صغیر عباس کے مقدمہ میں گرفتار تھے، کانسٹیبل کو دوران ڈکیتی قتل کیا تھا-

شہید کانسٹیبل صغیر عباس
دوسری جانب ڈی ایس پی چونیاں نے بتایا کہ چونیاں پولیس دونوں ڈاکوؤں کو برآمدگی کیلئے لے کر جا رہی تھی کہ ڈھوس کے قریب ڈاکوؤں کے ساتھیوں نے پولیس پر حملہ کر دیا-

ڈی ایس پی خالد اسلم کا کہنا تھا کہ دونوں ڈاکو پولیس کے پاس ریمانڈ پر تھے اور دونوں نے شہید کانسٹیبل صغیر عباس کے قتل کا اعتراف بھی کیا تھا-

چونیاں پولیس اور ڈاکوؤں کے درمیان شدید دھند کی وجہ سے ایک گھنٹہ تک فائرنگ کا تبادلہ ہوا ڈاکوؤں کے ساتھی دھند کا فائدہ اٹھاتے ہوئے فرار ہوگئے-

ترجمان قصور پولیس نے مزید کہا کہ فرار ڈاکوؤں کی گرفتاری کے لئے ڈی پی او قصور کی ہدایت پر ٹیمیں تشکیل دے دی گئیں ہیں

ترجمان قصور پولیس نے کہا کہ ڈاکو اشفاق اور غلام رسول عام عوام کے لئے خوف کی علامت سمجھے جاتے تھے-