وزیراپنی سالانہ کارکردگی پیش کرنے کے لیے حاضر ہو جائیں، عمران خان نے سب کوطلب کرلیا

اسلام آباد: وزیراپنی سالانہ کارکردگی پیش کرنےکےلیےحاضرہوجائیں، عمران خان نے سب کوطلب کرلیا،اطلاعات کےمطابق وزیراعظم عمران خان نے وفاقی کابینہ کا اجلاس 31 دسمبر کو طلب کرلیا، اجلاس میں 8 نکاتی ایجنڈے پر غور کیا جائے گا۔

ذرائع کے مطابق وزیراعظم نے سال 2019 میں وزرا سے ان کی کارکردگی کی رپورٹ بھی طلب کرلی ہے،یہ بھی معلوم ہوا ہےکہ وفاقی کابینہ کے اجلاس میں ملکی معاشی اور سیاسی صورت حال پر غور ہوگا، نیشنل کالج آف آرٹس انسٹیٹیوٹ کے بل کا مسودہ کابینہ میں پیش ہوگا۔ اجلاس میں اسٹیٹ بینک مالی اسٹیٹمنٹ برائے سال 2018 کے اجرا کی منظوری دی جائی گی۔

وزیراعظم کی زیر صدارت اجلاس میں ناروے کے شہری کی پاکستان سے حوالگی کا معاملہ بھی زیر غور آئے گا، وزارت داخلہ کی سہیل احمد کو برطانیہ کے حوالے کرنے کی درخواست پرغور ہوگا۔اجلاس میں اسمال اینڈ میڈیم انٹرپرائزرکے سی ای او کی منظوری بھی دی جائے گی۔ وفاقی کابینہ کو اہم معاشی اعدادوشمار پر بھی بریفنگ دی جائے گی۔