پنڈ دادنخان:شہبازشریف نے زیادتی کی ہے ،لاہورکےعلاوہ باقی پنجاب کونظرانداز کیا گیا ،ان خیالات کا اظہاروفاقی وزیر برائے سائنس و ٹیکنالوجی فواد چوہدری نے جہلم میں جلسہ عام سے خطاب کرتے ہوئے کہاکہ ماضی کی حکومتوں نے پنڈدادن خان کو ہمیشہ نظرانداز کیا،وزیراعظم اس علاقے کےچپےچپےسےواقف ہیں۔
وفاقی وزیر نے کہاکہ وزیراعظم کےوسیلےسےلاکھوں لوگوں کوپانی ملاہے،جہلم کی پانچوں سیٹیں تحریک انصاف نےجیتی ہیں،کھیوڑہ کا نمک پورا پاکستان کھاتا ہے،آج نمک کوآپ نے اور آپ کی حکومت نے وفا کیا ہے۔فواد چوہدری نے کہاکہ یہاں پینے کے پانی کا بہت بڑا مسئلہ ہے،اس نہر سے پینے کے پانی کا مسئلہ حل ہوجائے گا،
فواد چوہدری نے کہاکہ ہم ریاست سےبھیک نہیں رہےبلکہ ہم اپنا حصہ مانگ رہےہیں،شہبازشریف نے پنجاب کے ساتھ زیادتی کی ہے۔ماضی کی حکومتوں نے اس علاقے کو ہمیشہ نظر انداز کیا۔شہبازشریف پنجاب کی عوام کی بجائے لندن والوں کوریلیف دینے کےلیے وسائل استعمال کرتے رہے.انہوں نے مزید کہاکہ پہلا سال مشکل تھا اب ملک کی ترقی کا سال ہے اوریہ ترقی جاری رہےگی
